Un home tivo que ser trasladado en helicóptero ata o Hospital de Ourense con diversas queimaduras no corpo tras sufrir un accidente laboral no municipio lucense do Incio. Segundo informa o 112, os feitos ocorreron na tarde do sábado na fábrica para a que traballa, situada en Vila de Mouros, na estrada LU-546.
Foi un compañeiro do ferido quen, sobre as 20,30 horas, indicaba o ocorrido aos servizos de emerxencias. De acordo co relato que deu ao 112, o operario queimouse cando se abriu un portelo de aspiración con po quente. De feito, debido á importancia das lesións, necesitou ser evacuado nun helicóptero medicalizado.
Ademais dos servizos de Urxencias Sanitarias-061, que desprazaron a aeronave ata o punto, o 112 solicitou a colaboración dos axentes da Garda Civil. O traballador foi trasladado ata o Complexo Hospitalario Universitario de Ourense. U
