InicioLugo e contornaLugoPilar de Lara disposta a chegar ao Tribunal Europeo de Dereitos Humanos

Pilar de Lara disposta a chegar ao Tribunal Europeo de Dereitos Humanos

O seu avogado di que o Consello Xeral do Poder Xudicial recoñeceu durante varios anos que existían moitos atrasos nas causas.

PUBLICADA O

- Advertisement -

A titular do Xulgado de Instrución Número 1 de Lugo, Pilar de Lara, está disposta a chegar ao Tribunal Europeo de Dereitos Humanos se se confirma a sanción de sete meses e un día sen emprego e soldo, que implica perdida de destino, que lle impuxo o Consello Xeral do Poder Xudicial (CGPJ) por falta moi grave en canto a “desatención e atrasos inxustificados” nas instrucións que leva.

O avogado da xuíza De Lara, Agustín Azparren, adiantou que o vindeiro luns –o domingo vencía o prazo para reclamar– vai presentar o recurso á sanción ante o Pleno do Consello Xeral do Poder Xudicial.

A partir de aí, sinalou, que haberá que descontar tres meses, que é máis ou menos “o prazo” para que se responda á devandita apelación, aínda que, “segundo os casos, pode tardar un pouco máis”, aclarou o letrado.

Azparren avanzou que “o seguinte paso, se o pleno confirma a sanción ou mantivese unha inferior, pois o seguinte paso sería ir ao Supremo”. “Mesmo agora en materia disciplinaria e xa pasou en Portugal, cun caso similar, mesmo se pode chegar ao Tribunal Europeo de Dereitos Humanos, ata esa vía queda aberta”, manifestou.

En canto ao recurso, o letrado avanzou que vai reproducir ” os argumentos que xa existían, resumilos e deixalos con maior claridade para comprobar que, efectivamente, que o que se sinala como problemas do xulgado, de atrasos, non son consecuencia dunha conduta do maxistrado nin moito menos dunha desatención”.

Agustín Azparren lembrou que “na inspección do Consello Xeral do Poder Xudicial durante varios anos sempre sinalou que existían moitos atrasos, fíxoo no ano 2013, en 2014 e no 2015 iniciouse o seguimento“.

“Como a propia inspección do Consello como consecuencia da inspección extraordinaria polo que se inicia o expediente, sempre se sinalaron os atrasos e os problemas do xulgado como os ten agora, pero sempre salvara a dedicación do maxistrado e iso é incompatible con condutas que signifiquen desatención, desidia ou abandono”, incidiu.

A xuíza Pilar de Lara, que se atopa de baixa, xa estaba a apurar algunhas das macrocausas que leva, como a ‘Pokémon’ sobre corrupción política, ou a ‘Carioca’, sobre redes de prostitución en Lugo. Ademais asumiu a causa sobre ‘O Garañón’, construción que se sitúa aos pés do parque Rosalía de Castro.

+ posts

ÚLTIMAS

Case nove de cada dez euros para concellos do PSOE e BNG: a denuncia do PP contra a Deputación de Lugo

O reparto dos fondos da Deputación de Lugo a través de convenios cos concellos...

Tomé, convocado por “erro” á xunta de portavoces provincial para asinar a declaración contra a violencia de xénero

A sinatura da declaración institucional con motivo do 25 de novembro, Día Internacional da...

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...