- Advertisement -
O temporal de neve que afecta a boa parte da península tamén ten moitas incidencias nas estradas de Lugo. Así, prohibiuse o paso de camións e vehículos articulados na LU-633, entre Pedrafita e Queixadoiro; e está prohibido adiantar para os vehículos pesados en varios tramos da A-6 (entre Pedrafita e Nocedo e entre Pedrafita e Valcarce, León). Esta prohibición afecto tamén aos vehículos pesados que circulen pola A-52 ao seu paso pola Mezquita, Riós, Monterrei e Trasmiras, así como pola N-525 na zona da Gudiña.
Igualmente, a DGT pide precaución na N-6 entre O Castro (León) e A Pía (Lugo), e en toda a rede secundaria, especialmente en zonas de montaña, polas nevadas. Unha desas estradas afectadas é a LU-530 na zona da Fonsagrada.
