InicioPolíticaO PP de Lugo censura as «vagas explicacións» e a «desidia» do...

O PP de Lugo censura as «vagas explicacións» e a «desidia» do Concello

Segundo os populares, as explicacións do Concello pola situación da EDAR son insuficientes – Critican tamén o nomeamento «fóra de prazo» e sen informar antes ao resto de grupos do novo Delegado de Protección de Datos

PUBLICADA O

- Advertisement -

O voceiro local do Partido Popular, Antonio Ameijide, chamou a atención sobre dous asuntos que atinxen ao Concello de Lugo: a xestión da Estación Depuradora (EDAR) e o nomeamento in extremis do Delegado de Protección de Datos. Dende a formación conservadora lamentan a falta de explicacións e a «desidia» polos informes negativos de Augas de Galicia e a ausencia de comunicación ao resto de grupos para tratar a figura do responsable xa nomeado.

Acerca da EDAR, Ameijide criticou as «escusas» da administración municipal, con responsabilidade e competencias no servizo de depuración. Para o voceiro popular é «inexplicable» que o Concello pague a unha empresa 150.000 euros mensuais pola xestión, cando ten competencia exclusiva segundo as leis de Augas de Galicia e de Bases de Réxime Local. Neste senso, lembrou os informes negativos que cualificaron a calidade da explotación da EDAR como moi deficientes. 

Ante a situación «alarmante» na depuración e a falta de solucións do executivo local, Ameijide anunciou que rexistrarán varias preguntas para que o Concello resposte, por escrito, sobre as medidas a tomar para reconducir a situación.

No respectivo á protección de datos, o PP censura o nomeamento «fóra de prazo» do novo Delegado. Alegan que a comunicación á Axencia de Protección de Datos fíxose o día 24, día límite antes da entrada en vigor do novo Regulamento Xeral. Así, Ameijide dixo que a alcaldía «fixo oídos sordos» do acordo plenario que obrigaba a tratar co resto de grupos o nomeamento desta figura. «Coma os malos estudiantes, esperaron ata o último minuto».

Proposta para vencellar a gastromomía de Lugo co Camiño Primitivo

Nun encontro cos responsables da hostalaría no Camiño, a dirixencia local do Partido Popular apostou por impulsar a cociña lucense no marco do itinerario cunha ruta de tapas. A «peregrinaxe gastronómica» do treito urbano tería o complemento de axudas ao comercio e actividades culturais para atraer aos peregrinos das vilas próximas de Portomarín ou Palas. Tamén solicitaron a mellora dos camiños e espazos públicos antes do Ano Santo de 2021.

ÚLTIMAS

Ulloa Viva traslada aos grupos do Congreso a oposición ao proxecto de Altri

Unha delegación da Plataforma Ulloa Viva desprazouse este martes a Madrid para visitar o...

O BNG pide á Xunta que dote ao PAC de Lugo de persoal suficiente

A viceportavoz parlamentaria do BNG e deputada pola provincia de Lugo, Olalla Rodil, reclamou á Xunta que dote...

Baralla, epicentro de tres pequenos terremotos en pouco máis de dúas horas

O municipio de Baralla, en Lugo, foi epicentro de tres movementos sísmicos, rexistrados en pouco...

Medio centenar de produtores da Ulloa súmanse a un manifesto contra a instalación de Altri

Uns 50 produtores e empresarios da comarca da Ulloa e arredores sumáronse este martes...