InicioPolítica7 millóns de euros en investimentos para Vilalba

7 millóns de euros en investimentos para Vilalba

O delegado do goberno en Galicia, José Miñones, destacou o pasado 28 de febreiro en Vilalba o investimento do Goberno que recibirá a vila polos proxectos e as xestións realizadas desde o concello.

PUBLICADA O

- Advertisement -

Na súa visita, José Miñones felicitou á alcaldesa, Elba Veleiro, por ter conseguido unha axuda de medio millón de euros do Instituto para a Transición Xusta por un innovador proxecto municipal de infraestruturas ambientais, sociais e dixitais, coa inclusión de conxuntos arbóreos e zonas verdes en varias rúas do casco urbano, facilitando ademais a accesibilidade das persoas con mobilidade reducida.

Para a obtención da subvención, foi fundamental que o concello tivese un Plan de Mobilidade, forme parte do Paces (Plan de Acción polo Clima e a Enerxía Sostible) e iniciase neste mandato unha aposta pola humanización e a sostibilidade no casco urbano.

Miñones destacou tamén a importancia da mellora da conectividade coa achega da fibra óptica a 4.200 vivendas e a empresas do municipio grazas ao Plan ÚNICO-Banda Ancha, valorada en 1,1 millóns de euros, e as axudas do Instituto para a Diversificación e Aforro da Enerxía (IDAE) –do Ministerio para a Transición Ecolóxica–, que permitirán un aforro grazas á mellora da eficiencia da iluminación pública, con tres axudas por máis de 400.000 euros do Instituto para a Diversificación e Aforro da Enerxía (IDAE), do Ministerio para a Transición Ecolóxica.

Elba Veleiro, acompañada de Jos´e Miñones por unha rúa de Vilalba. Foto: Prensa Concello de Vilalba.

A estes investimentos que chegan do Estado súmanse, segundo o delegado do Goberno: 900.000 euros do Ministerio de Transportes, Movilidad e Axenda Urbana que permiten rehabilitar a Casa do concello de Vilalba de maneira sostible, reducindo nun 80% o consumo de enerxía, no marco do Programa de Impulso á Rehabilitación dos Edificios Públicos (PIREP); 1,1 millóns de euros para a reforma do Parador de Vilalba, e 2,8 millóns de euros dentro do convenio coa Confederación Miño-Sil para mellorar o saneamento e a EDAR de Vilalba.

A alcaldesa de Vilalba agradeceu “o apoio do Goberno, con investimentos que son o froito do traballo realizado desde o concello, con proxectos pensados para mellorar a vida dos veciños”.

ÚLTIMAS

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...