InicioPolíticaO HULA disporá dunha sala de agarda digna para as familias e...

O HULA disporá dunha sala de agarda digna para as familias e os nenos e nenas que acoden a urxencias

A deputada Olalla Rodil obtivo o compromiso do Goberno do PP para habilitar ese espazo.

PUBLICADA O

- Advertisement -

O BNG demandou no Parlamento Galego a habilitación dunha sala de agarda digna para as crianzas e familias que agardan nos servizos de Urxencias Pediátricas no Hospital Universitario Lucus Augusti, en Lugo.

A deputada por Lugo, Olalla Rodil, declarou que, se ben o BNG non pon obxección ao traslado das Urxencias Pediátricas dentro do hospital, este traslado non pode conlevar situacións como “non atopar espazo nin suficiente nin debidamente acondicionado para agardar a súa quenda”, como ocorreu nos meses de novembro e decembro, coa suba de casos de enfermidades respiratorias en nenos e nenas.

Área Sanitaria de Lugo-Cervo-Monforte

A deputada nacionalista por Lugo, Olalla Rodil, en relación a esta área comentou que está a sufrir unha vulneración do dereito das crianzas á asistencia sanitaria. Segundo referiu, “só hai pediatra, por exemplo, en Meira e atende ás nenas e nenos deste concello e dos da Pastoriza, Riotorto, Pol e Ribeira de Piquín. Se non hai pediatra en Meira, que é bastante habitual, vas a Vilalba e Vilalba non ten pediatra, levan moitos días sen el, tanto que se mobilizou hai uns días a veciñanza reclamando a cobertura da praza”.

Fronte esta situación, Rodil argumentou que pode haber consenso en todas as forzas políticas en que o feito de masificar e agardar nas Urxencias “non é cómodo en ningún caso pero se falamos de crianzas, bebés en moitos casos, debe e pode habilitarse un espazo co acondicionamento necesario para garantir, na medida das posibilidades, un espazo confortable para as nenas e nenos e quen as acompaña”. É por iso que o BNG emprazou ao Executivo do PP a ofrecer unha zona de agarda digna para familias e nenos e nenas, proposta que acadou a unanimidade na Cámara, coa promesa de cumprirse no prazo dun mes.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

Non sae adiante a iniciativa parlamentaria do BNG para frear a instalación de Altri en Palas

A comisión 8ª de Pesca e Marisqueo do Parlamento de Galicia rexeitou este martes unha proposición...

Un veciño de Melide sería o autor de varios incendios nunha mesma zona da Serra do Careón

A Garda Civil investiga a un veciño de Melide, de 33 anos de idade, como suposto...