O presidente da Deputación de Lugo e secretario provincial do PSOE, José Tomé, acusou ao xefe do Executivo autonómico, Alberto Núñez Feijoo, de “utilizar medios públicos” para a súa campaña para facerse co liderado do PP a nivel estatal.
Tomé, en declaracións aos medios antes do pleno provincial celebrado este martes, denunciou que Feijóo empregou “medios públicos” para facer a súa campaña. “Está a utilizar o que lle pagamos na Xunta de Galicia todos os galegos para facer campaña por España adiante”, aseverou.
“Se quere andar de mitins, o que ten que facer é dimitir, deixar a Xunta e dedicarse a iso. Ten todo o dereito do mundo, pero que llo pague o Partido Popular”, remarcou. “Os galegos non lle temos que pagar que ande viaxando por España dando mitins”, insistiu Tomé, que vaticinou o “exemplo” que “será” Feijóo “o bo xestor” cando en toda España se vexan as súas políticas.