InicioPolíticaUnha sentenza anula a adxudicación directa do xefe do parque móbil do...

Unha sentenza anula a adxudicación directa do xefe do parque móbil do Concello de Lugo

O PP acusa o goberno local de "clientelismo" e solicita a convocatoria da praza nun "proceso transparente e con publicidade".

PUBLICADA O

- Advertisement -

O Xulgado do Contencioso-Administrativo Número 2 de Lugo ditou unha sentenza que anula a adxudicación directa e sen publicidade da praza de xefe do parque móbil do Concello da cidade, que “non foi ofertada publicamente”.

Neste fallo con data do pasado 26 de marzo, ao que tivo acceso Europa Press, o xuíz estima unha demanda interposta polo sindicato CIG e anula o acordo de xunta de goberno polo cal, o 12 de decembro de 2018, se designou directamente a un home para o posto despois dunha xubilación ocorrida en agosto de 2017 -máis dun ano antes-.

‘A DEDO’ NUNHA SITUACIÓN PREVISIBLE

Precisamente, a CIG expuña na súa demanda que “non se cumpren os requisitos de urxencia, inaprazable necesidade e excepcionalidade” que xustificaría a adxudicación ‘a dedo’ da praza, dado que unha xubilación “non pode cualificarse de imprevisible” e o Concello puido “perfectamente convocar un concurso de traslado”.

Fronte a estas pretensións, o Concello defendía que si existían “razóns de urxencia e inaprazable necesidade”, xa que aínda que o titular da praza se xubilou en agosto de 2017, designouse “temporalmente” a outro traballador e este tamén se xubilou en maio de 2018. Por isto mesmo ve “evidente” a administración local que concorre a razón de urxencia.

Ademais, o goberno local alega, segundo recolle a sentenza, que “non había máis que dúas persoas que cumprisen os requisitos” e que unha delas “renunciou”.

Con todo, o xulgado entende que a praza foi “concedida directamente” e “non foi ofertada publicamente, polo que non se permitiu “que outros funcionarios de igual ou mellor preparación puidesen optar a ela”.

Isto “infrinxe a normativa e xurisprudencia citada e vulnera varios principios constitucionais que rexen a selección do persoal que presta os seus servizos para as administracións públicas, entre eles, evidentemente, o de publicidade, e, tamén, en consecuencia, o de igualdade, mérito e capacidade”, subliña.

O PP ACUSA O GOBERNO DE POLÍTICA “CLIENTELAR”

Tras coñecer esta sentenza, o PP emitiu un comunicado no que acusa o goberno bipartito, de PSOE e BNG, de ter unha “política de persoal clientelar”. O viceportavoz popular municipal, Antonio Ameijide, explica que o fallo é “moi claro” ao dicir que “o chofer da alcaldesa -Lara Méndez- estivo dous anos e dous meses” ocupando este posto irregularmente ata que tamén el se xubilou en xaneiro de 2021.

Ante esta situación, o PP reclama que “se saque a praza definitiva” para cubrir esta vacante nun “proceso transparente” e ao que se dea “publicidade para evitar que se volva a cubrir a vacante a dedo”.

De feito, Ameijide lembra que o actual goberno local xa recibiu recentemente sentenzas desfavorables, como a que obrigou ao Concello a readmitir á xefa de persoal.

Parece que nin coa nova relación de postos de traballo (RPT) se acaban as tácticas de enchufismo de socialistas e nacionalistas”, conclúe o viceportavoz popular, quen tamén menciona o “malestar” polo nomeamento do xefe de Urbanismo e que “acabou coa dimisión” xa exconcelleiro da rama, Miguel Couto.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...