A candidata de Ciudadanos á presidencia da Xunta, Beatriz Pino, visitou este luns a cidade de Lugo para presentar a cabeza de lista pola provincia, José Ángel Gómez. Coa Muralla de fondo, Pino comprometeu unha aposta “moi forte” para darlle un futuro a Galicia e cargou contra o bipartidismo, ao que responsabiliza da problemática de Alcoa.
Visiblemente nervioso, o nº1 por Lugo expresou o seu desexo a “contribuír a cambiar as cousas” nun partido que pensa “no interese xeral” e que quere “dar unha oportunidade a todas as zonas rurais“, en palabras de Pino. “Estou aquí coa intención de ser útil”, finalizou o candidato do partido laranxa.
