InicioPolíticaGonzalo Caballero criticou o "abandono rural" de Feijóo durante unha visita á...

Gonzalo Caballero criticou o “abandono rural” de Feijóo durante unha visita á Fonsagrada

O líder do PSdeG reuniuse esta mañá con varios socialistas no Consistorio fonsagradino. Pídelle a Feijóo "orzamentos e compromisos" para reverter a tendencia demográfica dos últimos anos. O PP critica que Caballero use dependencias públicas "para facer actos de partido".

PUBLICADA O

- Advertisement -

O secretario xeral do PSdeG, Gonzalo Caballero, cualificou de “papel mollado” o anteproxecto de Lei de impulso demográfico de Galicia anunciado polo presidente da Xunta, Alberto Núñez Feijóo. Durante a súa visita á Fonsagrada, o socialista manifestou a necesidade de ter “orzamentos e compromisos” para reverter o “abandono rural” do que acusa á Xunta.

“O propio Consello Económico e Social (CES) acáballe de dicir que a revitalización demográfica non se soluciona con formulacións xenéricas nin con aprobacións de leis”, manifestou o xefe de filas dos socialistas galegos despois de que este órgano emitise un ditame no que considera necesario unha maior “concreción” do texto.

Respecto diso, Gonzalo Caballero sostivo que o que se necesitan son “orzamentos, compromisos, incentivos positivos para a poboación, para a actividade económica…”. “Un conxunto de medidas transversais que Feijóo non fixo ao longo de 11 anos e que vai prometer facer en cinco meses”, censurou.

“DEIXA A GALICIA CON MENOS POBOACIÓN”

O dirixente socialista pronunciouse deste xeito nunha visita á Fonsagrada, na que denunciou o “abandono do rural” por parte do Goberno do Partido Popular. Criticou o balance “profundamente negativo” dun Feijóo que deixa a Galicia con “menos poboación, peores servizos sociais, menos actividade económica, menos posibilidades de futuro para a xente nova”. “Un diagnóstico moi preocupante para a Galicia do futuro”, indicou.

“Feijóo prometeu unha lexislatura do rural e abandonou o rural”, insistiu Caballero, que atribuíu a esta actitude o peche do paridoiro de Verín. “Millóns de cidadáns en toda España están coa boca aberta escoitando como Feijóo recorta e desfai servizos sanitarios en todas as provincias”, indicou antes de asegurar que os socialistas na Xunta impulsarán o desenvolvemento rural.

CRÍTICAS DO PP

Tras a visita de Gonzalo Caballero á Fonsagrada, o PP de Lugo emitiu un comunicado no que lle pediu ao PSOE “máis respecto” e “humildade política” despois desta visita á Fonsagrada. Critican o “encontro partidista” e pediulle ao PSdG que “non volva empregar unha administración pública”, como son as dependencias do Concello, “para facer actos de partido”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...