InicioComarca da FonsagradaA FonsagradaO PPdeG, con cinco edís, disposto a darlle a alcaldía da Fonsagrada...

O PPdeG, con cinco edís, disposto a darlle a alcaldía da Fonsagrada ao BNG, con un

PUBLICADA O

- Advertisement -

PPdeG e PSdeG, empatados a cinco concelleiros cada un no Concello da Fonsagrada, miran ao BNG para tratar de garantirse a Alcaldía, aínda que no caso dos populares mesmo estarían dispostos a que haxa “cambio” dándolle o bastón de mando á única concelleira nacionalista que logrou representación na localidade.

Os primeiros en dar un paso adiante foron os populares de José Luís Regueiro, que enviaron tras as eleccións municipais do 26 de maio un documento con propostas ao BNG. Nel, explorábanse varias posibilidades, como que os nacionalistas se absteñan e permitan que goberne a lista máis votada, o PP, ou mesmo propiciar “un cambio”.

Este martes, o alcaldable do PP e a candidata do BNG, María Xosefa Ortiz, tiveron un encontro no que abordaron, segundo as fontes de ambas as partes consultadas por Europa Press, a “realidade da Fonsagrada” e a xestión do concello desde hai varias décadas por parte do PSOE.

Fontes do BNG fonsagradino explicaron a Europa Press que os nacionalistas se limitaron a tratar a situación do concello e sosteñen que “non se poden negar a falar cos veciños” que se presentaron nunha candidatura política.

O diálogo debe habelo en todas as circunstancias“, defenden estas mesmas fontes, que apuntan que o concello se gobernou “desde hai moitos anos cunha maioría absoluta que non se diferencia do PP” noutros municipios.

O candidato popular denuncia o “escurantismo” na xestión de Argelio Fernández Queipo. Ademais, José Luís Regueiro advirte de que “non se pode gobernar desde un despacho de Lugo”, como neste último mandato no que o alcalde foi vicepresidente da Deputación.

REUNIÓN PSOE-BNG

Tras ese encontro, terá lugar o venres outro entre o actual alcalde e a candidata do BNG, segundo confirmaron fontes de ambas as partes, no que tamén se prevé abordar a situación do municipio.

Fernández Queipo asegurou, a Europa Press, que teñen “dez días” por diante para falar cos nacionalistas, dos que depende que poida revalidar o bastón de mando. Preguntado por se cre que poderá renovar o cargo, rexeitou “pronunciarse” sobre o que vai ocorrer en próximo 15 de xuño na sesión de investidura.

Mentres, as fontes nacionalistas locais consultadas por Europa Press indicaron que ata que transcendeu o encontro co PP, os socialistas non se puxeron en contacto con eles e indicou que tampouco acudirá a este encontro con “ningunha idea preconcibida”.

ÚLTIMAS

Tomé, en reunións con Altri e Ulloa Viva: “Fibras téxtiles si, celulosa non”

O presidente da Deputación de Lugo, José Tomé (PSdeG-PSOE), mantivo este martes dúas reunións con...

Collidos mentres “puenteban” o contador eléctrico dunha vivenda

Axentes da Policía Local de Lugo identificaron a dúas persoas por manipular os cables de...

Reunión de Altri con empresas forestais de Lugo para presentarlles o proxecto de Palas de Rei

Representantes de Greenfiber, formada pola enerxética Greenalia e a multinacional lusa Altri, reuníronse coa...

Dúas persoas faleceron tras chocar a súa furgoneta cun camión de cereal en Begonte

Dúas persoas faleceron este martes en Begonte ao chocar a furgoneta na que viaxaban cun...