Os deputados do Grupo Provincial Popular reclamarán no vindeiro pleno que o goberno da Deputación arranxe de inmediato a estrada LU-P-1811, en Chantada, “totalmente estragada e insegura” e que tanto PSOE como BNG se negan a arranxar “desatendendo as reclamacións dos veciños”.
O voceiro provincial popular, Antonio Ameijide, recorda que hai poucas semanas que revisamos o estado desata estrada xunto ao alcalde de Chantada, Manuel Varela, e varios veciños, comprobando o “nefasto” estado de conservación desta vía
O PP provincial sinala que esta estrada ten moitos puntos nos que é complicado circular ao non haber escapatorias ás fochancas. “O primeiro que hai que facer é arranxar o firme, así como o desbroce da vexetación, a poda das árbores, a renovación da sinalización vertical, o repintado da sinalización horizontal e a limpeza das cunetas para garantir que se canaliza correctamente a auga e que esta non discorre polo firme”, afirmou.
