Ana Belén Fernández | Cambian as vosas prioridades ou refórzanse as que xa tiñades? Queredes volver á vida de antes ou hai cousas daquela vida que agora queredes cambiar? Ademais do que xa cambiará por si mesma… O confinamento fainos pensar no básico, na familia, no próximo. Impórtanos máis o que pase no noso concello ca en París; impórtanos máis o que ocorra no noso edificio ca no Hula. E así eu volvín pensar no comercio de proximidade e no sector primario.
Co confinamento as ventas de videoxogos aumentaron, intensificouse o teletraballo, as plataformas dixitais gañan suscriptores, as redes sociais arden, Amazon aumenta as súas ventas cada día. Funciona un pouco como a COVID-19, sen chegar a matar, esténdese a todos os ámbitos.
O caso é que a COVID-19 paralizou a práctica totalidade do comercio de proximidade e ao mesmo tempo puxo en auxe internet. As ventas online disparáronse co confinamento e o comerciante á outra beira do teléfono lembra a importancia de comprar no comercio local cando a situación o permita. “Esta crise e o confinamento poden consolidar internet no cliente, ver que poden vivir comprando por internet e poden concluír que xa non necesitan ao comercio local. Se egoistamente o cliente acepta a situación, igual por unha decisión estética de camiñar por rúas sen comercios, o comercio acabarase. Se non somos funcionais non nos poderemos salvar e teremos que comezar a mirar internet con outros ollos e comezar a vender por internet”.
Podes ler o artigo completo de Ana Belén Fernández no Xornal de Lemos. A peza forma parte dun ‘Diario de corentena‘ conxunto que se ha ir escribindo dende o Lugo Xornal, o Xornal da Mariña e o Xornal de Lemos.
