- Advertisement -
O Deputado de Promoción Económica e Social, Pablo Rivera Capón, visitou este luns a mesa informativa que instalou a Asociación Lucense de Esclerose Múltiple (ALUCEM) na Praza de San Marcos con motivo da conmemoración do Día Mundial desta doenza, que tivo lugar o 30 de maio. O obxectivo é sensibilizar á sociedade sobre o impacto desta enfermidade crónica e reivindicar a necesidade dun diagnóstico precoz.
Rivera Capón recordou que a institución provincial achega 10.000€ é entidade lucense “para apoiar o programa de atención integral que desenvolven desde o colectivo e co que tratan de cubrir necesidades específicas dos pacientes que padecen esta enfermidade que afecta a máis de 3 millóns de persoas en todo o mundo”.
