InicioMedioambiente e PatrimonioA Xunta defende o proxectro de Altri: "Ten que parar todos os...

A Xunta defende o proxectro de Altri: “Ten que parar todos os filtros habidos e por haber”

PUBLICADA O

- Advertisement -

A vicepresidenta segunda e conselleira de Medio Ambiente, Territorio e Vivenda, Ángeles Vázquez, lanzou este luns unha mensaxe de “tranquilidade total e absoluta” coa instalación da fábrica que a empresa Altri expón no municipio lucense de Palas de Rei.

En declaracións aos medios nunha visita ao Biopolo da Sionlla, a responsable do departamento autonómico de Medio Ambiente sinalou que o proxecto de Altri, “polas súas dimensións e por todo o que ten que tratar”, está sometido a diferentes requisitos como “a incidencia ambiental, a autorización ambiental integrada ou o IPPC”, polo que asegurou que “ten que pasar todos os filtros habidos e por haber, tanto de emisións, sustentabilidade, como no caso de autorización de auga como vai reverter nos nosos ríos”.

Neste sentido, insistiu en que a factoría collerá auga do encoro de Portodemouros, pero “o 65% desa auga que consuman irá de novo ao encoro mesmo con mellores condicións que coa que a captan”.

CRÍTICAS

Así, tras as críticas de asociacións ecoloxistas, Ángeles Vázquez quixo mandar unha mensaxe de “tranquilidade”. “Calquera empresa que se asente en Galicia dámoslle facilidades, pero sempre cumprindo a lei. Se non fóra así, non seriamos a segunda Comunidade que máis reducimos as emisións de CO2 desde 1990”, reivindicou.

“Mensaxe de tranquilidade total e absoluta”, volveu a insistir antes de lembrar que “os requirimentos son máximos”. Agora, engadiu, o proxecto atópase na etapa de exposición pública na que a Augas de Galicia “chegaron todas as alegacións, que teñen que contestarse“. O mesmo fará Medio Ambiente, segundo afirmou, en canto acabe o proceso. “Facilidades todas, pero cumprimento da lei totalmente estritos. Somos máis estritos que calquera outra comunidade autónoma do resto de España”, resolveu Anxos Vázquez.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...