Diario de inspiración: …e as musas apareceron no Museo Pazo de Tor

A vida móvese e o Museo móvese con ela, adáptase a unha realidade máis complexa, mirando para a orixe cos ollos de agora. Nunha sociedade postpandemia, a raíz, esas formas de vida que se perden, esa sabedoría que mimaba ao territorio e á comunidade, antóxanse fundamentais para non perder o norte. Iso fixeron as artistas na súa residencia, mamar Tor para levar toda a filosofía que rodea ao museo pegada á pel.

Por

Ana Belén Fernández

13 Outubro, 2022

311285715_850538742807980_6029780608908280214_n-1024x576 — Encontro coas artistas da residencia / Ana Belén Fdez.

A residencia artística que se desenvolveu no Pazo de Tor en agosto foi un milagre de creatividade e de humanidade.

Durante a primeira quincena de agosto 4 mulleres viviron o Museo e achegáronse á súa contorna, afondaron en anécdotas da súa historia e coñeceron a quen o habitou e a quen ten vínculos con el. Mergullaron as súas vidas no Pazo e o Museo Pazo de Tor devolveulles inspiracións nas artes que estas mulleres cultivan.