InicioEconomíaO canon eólico financia o mellorado Punto Limpo da Fonsagrada

O canon eólico financia o mellorado Punto Limpo da Fonsagrada

A Fonsagrada poderá xestionar aparellos, electrodomésticos e aceites co acondicionamento do Punto Limpo a cargo ao Fondo de Compensación Ambiental

PUBLICADA O

- Advertisement -

O Concello da Fonsagrada poderá proporcionar proximamente un axeitado servizo de xestión de residuos coa ampliación do Punto Limpo. Aliás, a localidade solventará esta deficiencia con recurso ao denominado canon eólico, liña de financiamento que compensa ás corporacións locais que xeran enerxía con parques de aeroxeradores.

A través da Consellería de Presidencia, Administracións Públicas e Xustiza da Xunta de Galicia, o Fondo de Compensación Ambiental achegará 89.000 euros para o acondicionamento das instalacións. Así, o espazo poderá recibir aparellos voluminosos e electrodomésticos de diversa índole, coma televisores ou microondas, para o seu posterior tratamento por xestores de residuos autorizados.

Asemade, a reforma do Punto Limpo abre a porta a instalar un pequeno depósito de aceites na nave almacén, que estaría adicado en especial para aqueles óleos procedentes de vehículos agrícolas.

Na actualidade, A Fonsagrada dispón xa dun centro de depuración de escasa entidade, que conta cunha superficie libre de 1278 metros cadrados. Será neste terreo da parte sur onde se emprazará o Punto Limpo.

Para poder acoller esta instalación é preciso que unha parte da parcela sexa chá, polo que proxéctase a nivelación do terreo e un muro de contención de terras. Os traballos de explanación consistirán nun pavimento de formigón que permitirá o acceso de camións para a carga dos residuos. 

A solución proposta para A Fonsagrada permitirá mellorar a comodidade na entrega de residuos, ao tempo que a posterior recollida polo xestor autorizado, garantindo as condicións de seguridade e salubridade.

Fondo de Compensación Ambiental

O coñecido como canon eólico, ou Fondo de Compensación Ambiental, comezou a funcionar en 2010 por instrucción do executivo autonómico. A iniciativa permitiu por vez primeira aos concellos beneficiarse directamente das explotacións eólicas para financiar actuacións estratéxicas.

Neste exercicio, a suma do Fondo xunto coa Orde de Infraestruturas acada un total de 13 millóns de euros para investimentos da Xunta de Galicia nas entidades locais. 

Segundo salienta o goberno galego, o Fondo de Compensación Ambiental ten un papel fundamental no reequilibrio territorial, pois a maioría dos concellos beneficiados atópanse en zonas rurais do interior de Galicia.

Deputación e 51 concellos de Lugo preparan un canon para as enerxéticas

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

Detidas tres persoas na provincia de Lugo por varios roubos de ferramentas, gasóleo e outros efectos

Axentes da Garda Civil detiveron a tres persoas como presuntos autores de varios delitos...

A Deputación de Lugo lanza o I Xornadas Feministas con motivo do 8M co foco posto “na mocidade”

A deputada da área de Muller e Igualdade da Deputación de Lugo, Marisol Morandeira, presentou...

Dous feridos en Lugo ao saírse da vía o vehículo no que viaxaban e chocar contra unha árbore

Dúas persoas resultaron feridas este sábado en Lugo ao saírse da vía o vehículo...