InicioMedioambiente e PatrimonioDenuncian que a Xunta bloquea informes para avaliar o impacto mineiro nas...

Denuncian que a Xunta bloquea informes para avaliar o impacto mineiro nas Terras do Miño

O Consello Científico do Programa Persoa e Biosfera da Unesco evidenciou a falta de colaboración da Xunta á hora de achegar documentación solicitada.

PUBLICADA O

- Advertisement -

O Consello Científico do Programa Persoa e Biosfera (MaB) da Unesco evidenciou a falta de colaboración por parte da Xunta á hora de achegar documentación solicitada para coñecer a situación actual de diversos proxectos mineiros na área xeográfica da Reserva da Biosfera Terras do Miño (RBTM).

A información que se pretendía recompilar afectaba á situación actual dos proxectos (para confirmar caducidade ou vixencia), ámbito xeográfico e posibles consecuencias sobre a Reserva da Biosfera, indicacións sobre procedementos de avaliación ambiental ou medidas establecidas para asegurar a integridade destas áreas. Así o recordou o Consello Científico a mediados do pasado novembro.

O Sindicato Labrego Galego (SLG) lembra, á súa vez, que este informe xa foi solicitado no ano 2013, polo que denuncian que levan “sete anos agardando por unha avaliación que non se pode realizar porque a Xunta non achega a documentación solicitada”.

Tras as queixas e denuncias do SLG, o Consello Científico do Comité Español reiterará a súa petición de tal información para a análise do impacto ambiental do proxecto mineiro sobre a Reserva da Biosfera e sobre os concellos concretos da Fonsagrada, Baleira, Baralla e Becerreá. 

Así mesmo, tamén amosan a súa preocupación por outros proxectos mineiros que afectarían os municipios de Castro de Rei, A Pastoriza, Abadín, Cospeito, Vilalba e Riotorto.

ÚLTIMAS

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...

Panadeiros piden “un convenio moderno e con garantías para o sector” na provincia

Un grupo de panadeiros, en representación dos 1.500 que hai na provincia de Lugo,...