InicioMedioambiente e PatrimonioChamamento cidadán para adoptar o centenar de cans atopados nunha vivenda de...

Chamamento cidadán para adoptar o centenar de cans atopados nunha vivenda de Lugo

A saturación da Protectora de Lugo complica o traslado dos animais ás súas instalacións. O Concello alerta da posible existencia dunha canle de venda irregular dos mesmos.

PUBLICADA O

- Advertisement -

O Concello de Lugo fai un chamamento cidadán para promover a adopción e/ou acollida dalgún do centenar de animais atopados nunha vivenda da Avenida de Madrid. 

Álvaro Santos, edil da área de Medio Ambiente, referiuse aos case cen cans de diferentes razas e tamaños nunha pequena construción desta zona de entrada á cidade de Lugo. O Concello tivo constancia desta situación hai unhas semanas, momento no que iniciaron unha investigación para garantir o benestar dos animais e da persoa que residía con eles, segundo explicou o responsable de Medio Ambiente.

“Dende o minuto un e ata hoxe a atención aos cans foi constante, xa que persoal da Sociedade Protectora de Animais e Plantas se despraza a diario para alimentalos e levar un exhaustivo control sobre o seu estado de hixiene e saúde”, engadiu. Porén, debido á saturación que padecen as instalacións da Protectora de Lugo, faise moi complicado trasladar alí os cadelos. “Só nos resta convidar á veciñanza a que, voluntariamente, asuma o coidado dalgún deles, aínda que sexa de xeito provisional”, subliñou o concelleiro.

Álvaro Santos deixou claro que, máis alá dos gastos de manuntención, iso non tería ningún custo para as persoas voluntarias, en alusión á posible existencia dunha canle de venda irregular dos mesmos á que se lle estaría dando difusión a través das redes sociais. Neste sentido, lembra que a Sociedade Protectora de Animais e Plantas é a única organización habilitada para tramitar o procedemento.

ÚLTIMAS

Penas de prisión inferiores a tres anos para os imputados na peza orixinal da ‘Operación Pokémon’

A Audiencia Provincial de Lugo acordou impor este luns penas de prisión inferiores ao tres anos...

Capturan nun edificio da rúa Río Navia un lagarto ocelado de 40 centímetros

Unha patrulla da Unidade Territorial de Policía de Barrio da Policía Local de Lugo rescatou esta...

A Policía Local de Lugo detén a un home acusado de agredir e reter á súa parella

A Policía Local de Lugo detivo este fin de semana a un home acusado...

Un Xulgado de Lugo rexeita que o Consorcio deba indemnizar aos bombeiros por contratar efectivos durante a folga de 2023

O Xulgado do Social número 4 de Lugo rexeitou, tal e como solicitaban o...