Tres persoas resultaron feridas de carácter leve, entre elas unha nena de 16 meses, logo da colisión de dous vehículos ao paso por Rábade. O accidente produciuse contra as oito da tarde do martes na estrada de Lugo A Coruña, segundo informou a Axencia Galega de Emerxencias (Axega), pouco antes do tanatorio da localidade.

Dos tres feridos, unicamente a menor precisou de traslado a un centro hospitalario, e ningún deles tivo maior complicación. A nena foi atendida no Hospital Universitario Lucus Augusti (HULA) de Lugo, como informou GaliciaConfidencial.

A alerta foi recibida no centro de coordinación do 112 Galicia trala chamada de varios particulares que informaban do suceso. Con toda a información, os xestores de emerxencias convocaron as Urxencias Sanitarias do 061, os Bombeiros de Vilalba, a Garda Civil de Tráfico e a Policía Local de Rábade.

Redacción

+ postsBio ⮌

• Redacción

  Candia fai chegar á subdelegada do Goberno prioridades en seguridade, mobilidade e infraestruturas
• Redacción

  O Concello de Lugo pide axilidade á Deputación na renovación da avenida Adolfo Suárez
• Redacción

  González Abelleira cualifica o “plan de choque” de Candia para o SAF como “unha fraude política” 
• Redacción

  O PP ve como “unha peaxe” o convenio de 2 millóns de euros entre Deputación e Concello de Monforte