InicioLugo e contornaTegestacín non se presenta por segunda vez a unha reunión de mediación...

Tegestacín non se presenta por segunda vez a unha reunión de mediación co comité da planta de Outeiro e a Xunta

Segundo a CIG, a empresa estaría tratando de esgotar o período de consultas sen as garantías necesarias para o ERE.

PUBLICADA O

- Advertisement -

A empresa Tegestacín non compareceu a unha reunión de mediación prevista para o pasado luns co comité de empresa da planta láctea de Outeiro de Rei–afectada por cesamento de actividade e un ERE a 70 empregados— e a Xunta, segundo informa a CIG.

Nun comunicado, o sindicato quéixase de que a empresa xa suspendera a reunión prevista para o pasado día 19, o que xustificara no encontro deste luns.

Por iso, a CIG censura que a compañía “se está rindo tanto do persoal como da Administración cun claro obxectivo de esgotar o período de consultas sen as garantías necesarias para o ERE“.

Igualmente, pon énfase na “situación crítica” do tempo do período de consultas e na falta de “garantías” nas medidas propostas no tocante a compromisos económicos da empresa e sobre as posibilidades futuras para as instalacións.

A CIG tamén reproba falta de actuación da Xunta, a pesar de contar “con todas as competencias” nesta materia, pois “perdeu unha oportunidade de encarar posibles solucións para estas instalacións”.

ÚLTIMAS

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...

Creado un punto de atención en Portomarín para dar asistencia básica e curas aos peregrinos

O conselleiro de Sanidade, Antonio Gómez Caamaño, destacou a colaboración entre o seu departamento...

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...