Dúas persoas resultaron feridas nun accidente de circulación rexistrado en Lugo este mércores no que se viron involucrados tres vehículos.

Segundo informou o CIAE 112 Galicia, o sinistro produciuse ás 17,00 horas na estrada que une o polígono das Gándaras e a igrexa de Aldeiros, no termo municipal de Lugo.

Ata alí desprazáronse os efectivos de emerxencias, que tiveron que liberar cun equipo de excarceración a un dos feridos, atrapado no interior do vehículo.

Unha vez fóra do coche, as dúas vítimas foron evacuadas en ambulancia a un centro hospitalario.