InicioSociedadeO Polusa é o único hospital galego con cero casos de COVID-19...

O Polusa é o único hospital galego con cero casos de COVID-19 durante toda a pandemia

O xerente deste centro privado informa de que os 27 traballadores e 35 residentes da Unidade do Maior deron negativo nas probas PCR. Asegura, aínda así, que están preparados por se aparecese algún positivo.

PUBLICADA O

- Advertisement -

EFE | O hospital privado Polusa, en Lugo, informou este xoves de que “é o único centro hospitalario, tanto público como privado de Galicia”, no que non se rexistrou ningún caso de COVID-19 desde “o inicio da crise sanitaria”.

A dirección do hospital lucense aclara que “o centro acaba de confirmar esta semana os resultados negativos en infección por coronavirus” tras someter a probas PCR aos seus 27 traballadores e aos 35 residentes na Unidade do Maior, dedicada a hospitalizacións “de media e longa estancia” para persoas maiores “con patoloxías crónicas”.

“A día de hoxe, podemos dicir que non tivemos ningún caso de coronavirus, aínda que somos conscientes de que en calquera momento podemos ter que atender a persoas co virus, e estamos preparados para iso“, dixo o xerente de Polusa, Javier Atanes.

Ao seu xuízo, o feito de que non se detectaran resultados positivos de COVID-19 cobra “máis relevancia” polo feito de que en Polusa hai unha unidade de hospitalización na que residen 35 pacientes maiores, todos eles con patoloxías previas e diferentes graos de dependencia. “E nesta pandemia as persoas máis vulnerables e as de maior risco fronte ao virus son os maiores”, lembrou.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...