InicioSociedadeLugo xa dispón dos terreos para construír as Caldas do Miño, cuxo...

Lugo xa dispón dos terreos para construír as Caldas do Miño, cuxo acceso será de balde

A Fundación Feiras e Exposicións asinou co Concello a cesión do solo, un dos últimos trámites para executar as obras e instalar as catro piscinas de auga quente.

PUBLICADA O

- Advertisement -

O Concello de Lugo xa dispón dos terreos para construír as caldas de auga quente na contorna da Fundación Feiras e Exposicións.  A cesión do solo —unha superficie de 84.000 metros cadrados— quedou confirmada tras asinar un convenio a propia Fundación e a alcaldesa, Lara Méndez.

A cesión foi acordada polo Padroado, aínda que coa abstención de representantes da Xunta de Galicia e do grupo municipal do Partido Popular, que se negaron a que a cesión dos terreos fose de balde. “A proposta ía avalada polos técnicos municipios e conta con todas as autorizacións pertinentes“, subliñou Lara Méndez, quen tamén criticou a “baixeza de miras” do PP por “teimar en boicotear calquera decisión deste goberno independentemente dos prexuízos que lle ocasionen á veciñanza”.

A cesión do predio, cuxo titular era a Fundación Feiras e Exposicións, era un dos últimos trámites precisos para poder executar as obras, que contan co 80% de financiamento europeo. O proxecto prevé construír as caldas a carón do Pazo de Feiras, na Avenida Fábrica da Luz, á altura do Club Fluvial. Constarán de catro piscinas de auga quente, cun aforo de 50 persoas cada unha delas. Ademais, segundo adiantou a rexedora local, o acceso será de balde.

Méndez sinalou que “se ben estas termas non teñen un fin sociosanitario, si que reportarán múltiples beneficios á comunidade, como o impulso da contorna fluvial”. Segundo ela, estas instalacións favorecerán a economía e o fomento de emprego no sector turístico.

ÚLTIMAS

O BNG presenta máis de 700 alegacións ao proxecto que Altri expón para implantar en Palas de Rei

O BNG presentou na Xunta máis de 700 alegacións contra o proxecto que Altri quere implantar en Palas...

A Plataforma Ulloa Viva constata en Bruxelas que España non solicitou fondos europeos para a fábrica de Altri

A Plataforma Ulloa Viva concluíu a súa visita a Bruxelas para alertar dos impactos...

Detido en Lugo un home por incumprir unha orde de afastamento sobre unha muller

A Policía Local de Lugo detivo na mañá do pasado luns a un home por...

A Deputación dotará a 52 concellos de ferramentas tecnolóxicas a través do proxecto Impulsa TIC

O presidente da Deputación de Lugo, José Tomé, anunciou na Fonsagrada o inicio do...