InicioSociedadePilar de Lara 'rebenta' e lanza unha mensaxe nas súas redes sociais:...

Pilar de Lara ‘rebenta’ e lanza unha mensaxe nas súas redes sociais: “Dobre vara de medir?”

A xuíza manifestouse acerca do procedemento polo cal foron condenadas dúas persoas por inxurias contra ela: "Eramos só dúas vítimas e só tres investigados. Con todo, durou nove anos. Si, nove anos", insistiu. Comparou iso cos motivos que alegou o CXPX para apartala do xulgado ("dilacións indebidas"). Ademais, De Lara asegurou que tivo que soportar insultos "non só por ser xuíza", senón tamén "por ser muller".

PUBLICADA O

- Advertisement -

A xuíza Pilar de Lara, cesada do Xulgado de Instrución nº1 de Lugo, rompeu o silencio nas súas redes sociais. A maxistrada criticou o tempo empregado na investigación das dúas persoas que foron condenadas por inxurias contra ela: “nove anos” a pesar de que as vítimas “só” eran tres e os acusados “só eran dous, dixo. “Dobre vara de medir?”, preguntouse a xuíza, que comparou iso coa decisión do CXPX de sancionala por “atrasos inxustificados” nas macrocausas.

Esta mesma semana coñecíase a condena ás dúas persoas investigadas por insultos e inxurias contra De Lara e contra a tamén xuíza Estela San José. Tras iso, a ex titular do Xulgado de Instrución nº1 de Lugo ‘rebentou’ e expuxo o seu parecer na súa conta de Facebook.

“Esta causa iniciouse por unha denuncia presentada en 2019 e axuizouse no 2019. Pois ben: as vítimas só eramos tres. Os investigados, só dous. Este procedemento non é unha macrocausa nin unha causa que revista complexidade”, explicaba De Lara. “Con todo, o procedemento durou nove anos. Si, nove anos. Creo que non é necesario realizar maior comentario. Dobre vara de medir?”

Ademais, a xuíza sinala na súa mensaxe que a condena aos dous acusados de proferir inxurias contra as maxistradas foi rebaixada “lixeiramente” porque se produciron “dilacións indebidas” no procedemento.A

Así, sen necesidade de mencionalo explicitamente, Pilar de Lara comparaba isto cos motivos que alegou o CXPX para sancionala: “dilacións indebidas” e “atrasos inxustificados” nas macrocausas que instruía.

INSULTOS “POR SER XUÍZA E POR SER MULLER”

A xuíza, xa cesada, expresou que  “en moi contadas ocasións” comentou publicamente “asuntos xudiciais, profesionais e persoais”. Pero a situación actual, dixo, permítelle “cambiar de criterio”.

“Neste caso, ademais, son unha das vítimas”, engadía, para asegurar que “durante bastantes anos” tivo que “soportar reiterados insultos, ameazas e descualificacións realizadas nun foro de gardas civís”.

“Dado o tenor dos ‘cualificativos’, é obvio que os insultos atentaban non só á miña condición de xuíza senón que constituían un ataque frontal e directo á miña condición de muller”, incide De Lara, que lembra que os condenados publicaron no foro mensaxes nas que a chamaban “zorrón”, “pallasa”, “loba depredadora” ou ” lameconas”.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...