InicioLugo e contornaLugoCompetencia pola esquerda en Lugo: Podemos e EU fronte a Lugonovo

Competencia pola esquerda en Lugo: Podemos e EU fronte a Lugonovo

O escenario de división na esquerda lucense podería acentuarse coa entrada de Podemos na candidatura de Esquerda Unida

PUBLICADA O

- Advertisement -

Lugo foi a única das grandes cidades na que non cimentou o pacto de formacións nacionalistas e de esquerdas que deron lugar ás mareas municipais nas pasadas eleccións de 2015. Entón, Equerda Unida quixo ir por libre e non se integrou en Lugonovo. Finalmente, as dúas formaciónsconseguiron presesentación; Lugonovo con tres edís e ACE-EU (Alternativa Cidadá de Esquerdas-Esquerda Unida) con un.

E este escenario podería repetirse para as eleccións municipais do vindeiro ano pero cun marco aínda máis polarizado, xa que Podemos podería entrar directamente na lista de ACE. Así o deu a enteder este martes o secretario de Organización de Esquerda Unida, Rubén Pérez.

Nunha rolda de prensa, Pérez explicou o pacto acadado por Podemos, Izquierda Unida e Equo que implica levar o nome destas tres formacións nas siglas. Un acordo do que deixaron excluídas as distintas mareas locais, á excepción das que consideran “consolidadas”, é dicir, aquelas que gobernan nas grandes cidades como Compostela Aberta, Marea Atlántica ou Ferrol en Común.

Con todo, Rubén Pérez indicou que Esquerda Unida negociará en cada concello a configuración das candidaturas de “unidade popular”, pero “respectando a realidade preexistente” das mareas muncipalistas. Con todo, naqueles lugares onde “non hai esa unidade popular”, Esquerda Unida pretende “aproveitar” as súas candidaturas “xa existentes” para incorporar “aos compañeiros de Podemos”.

Carlos Portomeñe, de ACE – EU, con Rubén Pérez e Yolanda Díaz nun congreso do Partido Comunista / EP

O exemplo de ACE

Neste caso, puxo como exemplo disto último a cidade de Lugo, onde, por unha banda existe Alternativa Cidadá de Esquerdas (ACE) –no que se integra Esquerda Unida–, e por outro está Lugonovo –proxecto municipalista próximo a En Marea–. “Alí onde temos construídos espazos de unidade popular, onde hai espazos consolidados que nos representan a todos, alí onde queira estar Podemos e EU; alí estaremos conxuntamente cos compañeiros de Anova, de Marea Atlántica, etc. Aí é onde imos estar”, remarcou.

Pouco despois, a líder de Podemos en Galicia, Carmen Santos avisaba que o pacto asinado en Madrid só deixa autonomía ás “marcas consolidadas”; as de Compostela, A Coruña e Ferrol. O resto, debería incluír a marca de IU e de Podemos nas siglas. Seguindo a súa teoría, ACE debería incluír tamén a marca Podemos e pasar a denominarse ACE-EU-Podemos.

Así as cousas, Podemos Galicia anunciou que celebrará primarias a finais deste ano para escoller as súas listas de candidatos para cada municipio. A continuación, estas terían que ser incluídas nas candidaturas de confluencia, ben a través de “acordos” ou pola celebración dunhas novas primarias para as listas definitivas nas que concorrerían o resto de forzas.

ÚLTIMAS

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...