InicioLugo e contornaLugoTraxes e máscaras especiais para retirar o amianto do vello Hospital Xeral...

Traxes e máscaras especiais para retirar o amianto do vello Hospital Xeral de Lugo

A retirada deste material prolongarase até xuño.

PUBLICADA O

- Advertisement -

EFE. A retirada selectiva das placas de amianto que hai no edificio do vello Hospital Xeral de Lugo prolongarase até “finais de maio ou principios de xuño”, segundo informaron a EFE fontes da Xunta de Galicia, momento no que se iniciará a demolición mecánica do inmoble con maquinaria pesada.

Da retirada das placas de amianto utilizadas na construción do vello Hospital Xeral está a ocuparse unha empresa especializada, que vai illando cada unha das zonas de traballo para evitar calquera tipo de contaminación.

De momento, os operarios que se ocupan da retirada dese material levan dúas semanas traballando no vello Hospital Xeral, pero en principio eses labores prolongaranse durante outro sete semanas máis -nove en total-, de modo que esa parte do proceso de demolición non se dará por concluída até finais de maio ou principios de xuño.

Para retirar o amianto en condicións de seguridade, íllase cada zona de traballo e os operarios acceden cun traxe que lles cobre por completo o corpo, ademais de traballar con máscara en todo momento. A Consellería de Sanidade encargou a demolición do vello Xeral a Tragsa, por un importe de 3,2 millóns de euros e un prazo de execución de oito meses. Calcúlase que só a retirada do amianto suporá un gasto de 300.000 euros.

Cando o edificio quede libre dese perigoso material, o seguinte paso será a demolición mecánica, para o que se utilizará maquinaria pesada, dado que non se realizará ningún tipo de voadura. De acordo cos cálculos dos responsables da obra, eses traballos prolongaranse entre un e dous meses.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...