InicioPolíticaOs socialistas piden á Xunta que "deixe os contos" arredor da intermodal...

Os socialistas piden á Xunta que “deixe os contos” arredor da intermodal de Lugo

O secretario xeral dos socialistas lucenses acusa á administración galega, que rexeitou o convenio para un día despois propor outro, de "non querer" a intermodal

PUBLICADA O

- Advertisement -

O secretario xeral dos socialistas na provincia de Lugo, Álvaro Santos, acusa ao Partido Popular de “non querer” a intermodal de Lugo. Replica así ás manobras da Xunta de Galicia, que o martes rexeitou a proposta do Ministerio de Fomento, consensuada en novembro, para presentar outro convenio marco o mércores. O asemade voceiro do goberno provincial esixe aos populares que deixen os “contos” e os “paripés”.

Explica Santos que na administración galega “tiveron tempo” para realizar a parte que lle corresponde á Xunta no anteproxecto, 2,7 millóns para a dársena da estación de autobuses. Entenden os socialistas que a conselleira de Infraestruturas, Ethel Vázquez, mentiu cando xustificou rexeitar o protocolo de Fomento por “falta de concreción”, e ligan a cuestión a que no Partido Popular “non queren” a intermodal.

Santos asegura que no Partido Socialista continuarán traballando no que comprometeron, a renovación da estación de tren e o proxecto que coordinará a intermodal, tanto dende o Concello como dende o Goberno central, onde aprecia “actitude construtiva e propositiva”. “O que non podemos consentir é seguir paralizados por unha Xunta de Galicia que o único que fai é agredir os veciños e veciñas de Lugo”.

A posición da plataforma cidadá

Lugo Non Perdas O Tren, a plataforma integrada na Federación Veciñal, traslada que o compromiso do administrador ferroviario estatal Adif “é firme”, polo que piden pór fin “ao atranco político”. Cominan á unha nova reunión entre a Xunta de Galicia e o Goberno para asinar o convenio, porque “non é lóxico” depender dos procesos electorais cando está en xogo “o futuro da cidade”. Así, esixen “compromiso” á administración galega e advirten de que a cidadanía lucense “non se pensará dúas veces” saír á rúa en protesta.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...