O nomemamento de Sonia Méndez, ex deputada provincial e primeira tenente de alcalde con Orozco, como “técnica de administración xeral” na Deputación de Lugo acaba de desatar unha nova guerra entre populares e socialistas.
Os populares acusan ao PSOE de “dar continuidade á axencia de colocación de amigos que tiña Besteiro e que Campos está a perpetuar” na Deputación de Lugo coa incorporación de quen “foi a man dereita de Orozco no Concello”.
Unha denuncia que o presidente da Deputación de Lugo, Darío Campos, non tardou en respostar acusando aos populares de “facer unha campaña sucia”, “unha guerra sucia”. “Sonia Campos leva aquí máis de seis meses e hai dez persoas no seu mesmo caso”. “Houbo un proceso selectivo e non se mira a condición persoal nin política de ninguén”, suliñou.
“Supoño que dentro dos seleccionados haberaos que voten ao PP, ao PSOE ou ao BNG. Son procesos selectivos abertos e transparentes”, resolveu ao tempo que acusou ao PP de “caza de bruxas” e de tentar tapar os problemas internos que teñen na provincia “embarrando” a política.
Non é a primeira vez que o PP fai estas denuncias, sobre todo, cando se aproximan campañas electorais. Aconteceu o mesmo durante o bipartito na Xunta, cunha campaña que apoiaron os grandes medios de comunicación denunciando o suposto “despilfarro” de socialistas e nacionalistas, e acontece agora tamén na Coruña e Santiago contra os gobernos das mareas.
