InicioSociedadeXubílase Antonio Villamarín, inspector xefe de Lugo

Xubílase Antonio Villamarín, inspector xefe de Lugo

Natural de Viladonga, o comisario xefe provincial ocupaba o cargo dende marzo de 2017 logo dunha longa e recoñecida carreira na Policía Nacional

PUBLICADA O

- Advertisement -

Este mércores farase efectiva a xubilación do actual comisario xefe provincial, Antonio Villamarín. O responsable da Policía Nacional na provincia de Lugo recibiu o recoñecemento oficial por parte da subdelegada do Goberno, Isabel Rodríguez.

Con motivo de tan especial ocasión, Rodríguez agradeceulle o seu compromiso coa cidadanía, e o traballo que desenvolveu para garantir a seguridade pública durante toda a súa traxectoria profesional, nomeadamente dende que aceptou a dirección da Policía Nacional na provincia de Lugo.

A subdelegada do Goberno gabou o “talante conciliador” e a “bonhomía” do comisario xefe provincial, expresando asemade a súa “gratitude” pola colaboración que lle ten prestado durante os meses que leva exercendo a representación do Estado en Lugo. Ademais, desexoulle a Antonio Villamarín “moita felicidade na nova etapa vital que se lle abre ao chegar á idade de xubilación”.

Carreira profesional do comisario xefe

Antonio Villamarín Rielo, nado en Viladonga (Castro de Rei) en 1953, ingresou no Corpo Superior de Policía en 1976. Estivo á fronte da Policía Nacional na provincia de Lugo dende marzo de 2017.

Con anterioridade, fora nomeado comisario xefe de operacións da Comisaría de Lugo en xaneiro de 2015, e previamente desenvolvera a súa carreira profesional en Vigo, Tarragona e Bilbao.

A súa senlleira traxectoria profesional valeulle 112 Felicitacións Públicas, e está en posesión das seguintes distincións: 2 Cruces ao Mérito Policial con distintivo branco (anos 1997 e 2014), e Cruz, Medalla, Encomenda e Placa pola súa dedicación ao Servizo Policial.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...