InicioPolíticaA Deputación reclama á Xunta investimentos para atender persoas maiores na provincia

A Deputación reclama á Xunta investimentos para atender persoas maiores na provincia

PUBLICADA O

- Advertisement -

O Pleno da Deputación de Lugo reclamou á Xunta un plan de investimentos específico para a atención a persoas maiores na provincia, que contemple achega económica para sustentar o sistema desenvolvido pola Deputación e impulse as medidas necesarias para reformar os actuais centros que así o precisen e a construción doutros novos. A iniciativa do Goberno saíu adiante este martes cos votos a favor do PSdeG e do BNG, e en contra do PP.

O Deputado de Promoción Económica e Social, Pablo Rivera, criticou que o pasado 4 de abril a Xunta anunciou a súa intención de desenvolver un paquete de medidas dedicadas á construción de novos centros de maiores.

Segundo a Xunta, dixo o deputado, o investimento total desta iniciativa suma 18,5 millóns, que se concretarían en 24 medidas a desenvolver noutros tantos concellos galegos. Con todo, Rivera asegurou que a Xunta “repartiu a dedo entre concellos afíns 18,5 millóns que son do Goberno do Estado para residencias”. “Estes son datos obxectivos e sacados da resolución publicada pola Xunta”, dixo.

O deputado eloxiou a iniciativa de residencias da Deputación e dixo que é “bastante obvio” que buscan “que a Xunta se implique no proxecto”. “Non llas queremos entregar, pero ten que exercer as competencias da Lei de Dependencia como se refire no artigo 64. Ten que pagar o que debe”, apuntou.

Por outra banda, no pleno tamén saíu adiante unha moción socialista para esixirlle ao portavoz do Grupo Popular na Deputación, Antonio Ameijide Osorio, que “rectifique e pida desculpas” aos veciños da provincia e de Monforte de Lemos, así como ao Presidente da Deputación e á Corporación provincial, “polas mentiras, as manipulacións e a desinformación sobre os motivos reais do traslado do CRAEGA de Monforte de Lemos a Lugo, xerando un discurso paralelo e inventado“.

A portavoz socialista do Goberno, Pilar García Porto, apuntou que Ameijide “non dubidou en mentir, manipular e desinformar para tratar de quitar rédito político a partir dun problema que creou o propio Partido Popular en colaboración co presidente do CRAEGA, Francisco López Valladares”.

Pola contra, afirmou, “tanto a Deputación como o Concello de Monforte actuaron sempre con lealdade, transparencia e respecto á verdade”.

CERVANTES

Finalmente, o pleno aprobou unha addenda ao convenio entre a Deputación de Lugo e o Concello de Cervantes para a execución do Centro de Atención a Maiores que a institución vai construír nesta localidade da Montaña lucense.

Neste documento inclúese que o concello porá a disposición unha parcela en San Román que cumpre coas condicións e requisitos do proxecto e do estudo geotécnico, apuntan desde a Deputación.

“Hoxe damos un gran paso adiante. Un novo paso adiante para avanzar na construción da residencia de Cervantes. En apenas catro anos a Deputación de Lugo abriu seis centros de atención a maiores, o que fai un total de 9 en funcionamento”, explicou.

ÚLTIMAS

Adra Pallón, o fotógrafo lucense que retrata a desaparición deses “lumes ou casas habitadas”

"Unha voz que se move entre o berro, a denuncia e a homenaxe", así define...

XXI Xornadas Técnicas de Seragro: 14 e 15 de novembro

O comité organizador das XXI Xornadas Técnicas de Seragro está xa a traballar na...

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...