InicioCulturaO leite con castaña, postre tendencia e idea dun enxeñeiro lucense

O leite con castaña, postre tendencia e idea dun enxeñeiro lucense

O novo postre de Larsa está dispoñible en formato de tarro de cristal, e foi desenvolvido canda o seu inventor, o enxeñeiro agrónomo Pablo Fraga

PUBLICADA O

- Advertisement -

A castaña é un produto tendencia en alimentación, cun longo percorrido na gastronomía galega. En solitario, como acompañamento, en salsas, cremas ou marmelo, a sinxeleza do froito do castiñeiro unicamente pode compararse coa dureza natural, que pide tempo e precisión na cociña. Na fin do outono, chega en forma de postre doce: a leite con castaña.

Este agasallo é idea de Pablo Fraga Gontán, egresado da Facultade de Enxeñería do Campus Terra, e trasládase aos supermercados da man de Larsa. Non vén nun brick, senón nun tarro de cristal de 115 gramos, listo para consumir. As propiedades do leite con castaña converten a este produto, rico en grasas, proteínas, minerais e vitamina C, ideal para a sobremesa: é dixestivo, nutritivo, e achega 121 quilocalorías por ración. E sen gluten.

Larsa, que produce os lácteos en Outeiro de Rei, presume dun postre cen por cento natural, con leite enteira, un 22 por cento de castaña, leite en pó e azucre. A interpretación da tradición vai deste xeito un paso alén, logo dos iogures de licor café, queimada ou mazá ao forno. O leite con castaña xorde a partir do primeiro premio de innnovación saudable Impulsando Galicia, en colaboración coa Universidade de Santiago de Compostela, e permitirá ao creador participar da quinta parte dos beneficios durante os tres primeiros anos.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...