InicioSucesosSeis detidos por distribución de droga en dous puntos de Lugo

Seis detidos por distribución de droga en dous puntos de Lugo

A Policía Nacional intervén en dúas vivendas da cidade de Lugo nas que os detidos traficaban con cocaína e marihuana

PUBLICADA O

- Advertisement -

Seis persoas resultaron detidas como resultado da Operación Rañolas do Corpo Nacional de Policía, que dirixiuse contra dous puntos de distribución de droga en Lugo. O operativo desenvolveuse durante o mes de outubro por mor das queixas da veciñanza na contorna do casco histórico e a parte norte da cidade. Os axentes estatais detiveron ao proveedor e mailos responsables da venda de cocaína e marihuana.

Como relata a Policía nun comunicado aos medios de comunicación, nos rexistros domiciliarios foron intervidas 15 doses de cocaína e 70 de marihuana, xa preparadas para a venda, 2.000 euros en efectivo, e material para pesar e envasar a droga. No piso da zona centro, dúas persoas vendían ao por menor a quenes acudían; e na vivenda do norte de Lugo, un matrimonio traficaba coa asistencia dunha terceira persoa que distribuía na rúa. O provedor foi tamén localizado.

Así, os seis detidos –algúns con antecedentes policiais– pasaron a disposición xudicial, acusados de delitos contra a saúde pública pola tenencia e venda de substancias estupefacientes. O dispositivo foi artellado polo Grupo de Drogas encadrado na Brigada Provincial da Policía Xudicial.

ÚLTIMAS

Ulloa Viva traslada aos grupos do Congreso a oposición ao proxecto de Altri

Unha delegación da Plataforma Ulloa Viva desprazouse este martes a Madrid para visitar o...

O BNG pide á Xunta que dote ao PAC de Lugo de persoal suficiente

A viceportavoz parlamentaria do BNG e deputada pola provincia de Lugo, Olalla Rodil, reclamou á Xunta que dote...

Baralla, epicentro de tres pequenos terremotos en pouco máis de dúas horas

O municipio de Baralla, en Lugo, foi epicentro de tres movementos sísmicos, rexistrados en pouco...

Medio centenar de produtores da Ulloa súmanse a un manifesto contra a instalación de Altri

Uns 50 produtores e empresarios da comarca da Ulloa e arredores sumáronse este martes...