InicioEconomíaO PSdeG sobre os orzamentos da Xunta en Lugo: “Prometen todos os...

O PSdeG sobre os orzamentos da Xunta en Lugo: “Prometen todos os anos o que está sen facer”

PUBLICADA O

- Advertisement -

“Hai que ter cara para falar de orzamento en Lugo cando volven a prometer o de todos os anos e está sen facer”. Esta foi a resposta que deu o Secretario Xeral do PSOE na Provincia de Lugo, Álvaro Santos Ramos, tras ser preguntado polos Orzamentos da Xunta para o 2019. “Hai ser cara dura para falar de investimentos en Lugo cando non hai nin un só euro para proxectos como a intermodal, o Centro da Romanización en San Fernando, a Rolda Leste… Onde está no presuposto a residencia da terceira idade para Lugo?”, engadiu.

Así, lembrou que os 2,1 millóns de euros para o equipamento do auditorio “xa eran de todos os lucenses” e non da Xunta porque se deron para eximilos do pago do HULA e outros 4 centros públicos de titularidade autonómica. “Perdoámoslle ata 3,6 millóns e faltan outros 1,5 millóns. Nin nos devolven o que é noso”, destacou.

Ademais, lembrou que as dúas últimas accións administrativas da Xunta en Lugo foi para anular o procedemento para poder ter no barrio da Residencia un centro para emprendedores, un de formación e emprego e outro de biomasa. “Quitounos liñas de transporte, médicos, profesores, servizos sanitarios dos nosos hospitais comarcais”, criticou.

Fronte esa situación puxo como exemplo o traballo do PSdeG na provincia de Lugo “priorizando a aprobación do Orzamento da Deputación”. “Conseguimos que a Deputación sexa o motor económico e social da provincia, pois os nosos veciños non reciben os fondos que lles corresponden por xustiza social por parte do PP na Xunta de Galicia”, aclarou.

Neste sentido, lembrou que se investiron máis de 100 millóns na execución de numerosas obras nos 67. “Máis de 1.000 quilómetros en aglomerado son feitos. Investimos máis de 25 millóns en emprego, ofrecendo uns 1.500 postos de traballo aos nosos veciños, que estaban no paro e hoxe non”, concluíu.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...