InicioPolíticaO PSdeG de Lugo evita valorar a proposta de primarias de Gonzalo...

O PSdeG de Lugo evita valorar a proposta de primarias de Gonzalo Caballero

Os socialistas lucenses amosan indiferenza co calendario de primarias que mestura a escolla do secretario xeral coa dos candidatos para as municipais

PUBLICADA O

- Advertisement -

A proposta de Gonzalo Caballero para o sistema de primarias pillou por sorpresa a baróns territoriais e líderes locais do PSdeG. O acordo da executiva galega, que aínda debe obter o prace de Ferraz, implica a elección simultánea (o 18 de novembro) do candidato á Xunta e dos cabezas de cartel para os comicios municipais. Fontes do partido consultadas por GaliciaConfidencial consideran que a manobra procura deturpar o proceso de debate interno. Mais, publicamente, os comentarios foron de indiferencia.

En Lugo, a liña oficial é que a formación traballa pensando unicamente nas eleccións de maio. “Imos centrarnos nas municipais, que son as eleccións que están á vista e teñen data. O Partido Socialista da provincia de Lugo ten a cabeza posta nas municipais”, recalcou o secretario xeral na provincia, Álvaro Santos. O asemade deputado de Relacións Institucionais asegurou que non corresponde á organización provincial contravir o fixado polo máximo órgano do partido.

De igual xeito, a alcaldesa de Lugo, Lara Méndez, comentou que traballarán “para sacar o mellor resultado e seguir traballando no noso modelo de cidade”. Segundo a rexedora, “o Partido Socialista é un partido municipalista por excelencia”, aínda que indicou que un bo resultado na cidade pode ser clave de cara á loita pola Xunta de Galicia.

Méndez aseverou que a coincidencia das primarias “é decisión da dirección”, polo que non ten “nada que dicir”. Tampouco quixo valorar se existe a posibilidade de que concorra máis dun candidato para as autonómicas.

 

 

ÚLTIMAS

Ulloa Viva traslada aos grupos do Congreso a oposición ao proxecto de Altri

Unha delegación da Plataforma Ulloa Viva desprazouse este martes a Madrid para visitar o...

O BNG pide á Xunta que dote ao PAC de Lugo de persoal suficiente

A viceportavoz parlamentaria do BNG e deputada pola provincia de Lugo, Olalla Rodil, reclamou á Xunta que dote...

Baralla, epicentro de tres pequenos terremotos en pouco máis de dúas horas

O municipio de Baralla, en Lugo, foi epicentro de tres movementos sísmicos, rexistrados en pouco...

Medio centenar de produtores da Ulloa súmanse a un manifesto contra a instalación de Altri

Uns 50 produtores e empresarios da comarca da Ulloa e arredores sumáronse este martes...