InicioSociedadeO alcalde de Friol xustifica a recompensa por dar co octoxenario desaparecido:...

O alcalde de Friol xustifica a recompensa por dar co octoxenario desaparecido: “A idea é meter na busca xente nova ou profesional”

O alcalde de Friol, José Ángel Santos, xustificou a recompensa de seis mil euros a quen dea co paradoiro de José Luís Igrexas, o octoxenario do que non se sabe nada desde o pasado catro de setembro e que reside na parroquia de Carballo.

PUBLICADA O

- Advertisement -

O alcalde de Friol, José Ángel Santos, xustificou a recompensa de seis mil euros a quen dea co paradoiro de José Luís Iglesias, o octoxenario do que non se sabe nada desde o pasado catro de setembro e que reside na parroquia de Carballo.

Santos precisou que isto “supón dalgunha maneira activar o operativo de forma distinta para darlle outra perspectiva con esta recompensa económica, metendo savia nova, incluso incorporando a xente profesional que está especializada nestes casos”.

“Despois de máis de dúas semana de intensa procura sen atopar pistas, nin indicios, para a familia é moi duro e triste. Desde o Concello só nos queda apoiar á familia”, sentenciou. Non dubida que “nestes momentos a sorte é un factor importante” para dar con José Luís Iglesias, que foi visto por última vez na parroquia de Condes por un transportista.

De momento non se produciu ningunha chamada, aínda que o alcalde de Friol incidiu en que “a idea é meter savia nova, e meter xente con novos ollos que vexan o que nós igual non vimos ata agora”.

Ademais, a partir deste momento, acoutarase “o radio de acción” no rastrexo, que se foi “ampliando, pero si que é certo que o temos que acoutar porque si non hai novas pistas, as estatísticas dinnos que, nestes casos, adoita estar preto de onde foi a última vez que se lle viu”.

A recompensa de seis mil euros asúmena tanto o concello de Friol como os fillos de José Luís Iglesias.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...