InicioPolíticaA terceira vía de Podemos Lugo agarda as propostas de Gómez-Reino e...

A terceira vía de Podemos Lugo agarda as propostas de Gómez-Reino e Bescansa

A irrupción dos deputados deixa en suspenso a candidatura dos círculos locais, xestada dende Lugo, á secretaría xeral de Podemos Galicia

PUBLICADA O

- Advertisement -

Carolina Bescansa finalmente aceptou o convite da dirección saínte para desputar a secretaría xeral de Podemos en Galicia. Relegada no consello estatal, a deputada compostelá é a opción de Carmen Santos, quen renunciou a participar da renovación dos cargos que concluirá en outubro. Esta opción considérase oposta á do aparato, encarnada por Antón Gómez-Reino, Tone. A aparición destes dous candidatos, ámbolos con escano no Congreso dos Deputados, corta o paso dos círculos locais, unha terceira vía impulsada dende Lugo.

Gómez-Reino foi o primeiro en anunciar publicamente a súa candidatura, un intento do oficialismo de cicatrizar as diferenzas internas e clausurar o debate sobre a coalición con En Marea, formación da que Tone é voceiro no Congreso dentro do grupo confederal. En datas recentes, procurara o apoio do sector afín a Íñigo Errejón e dos anticapitalistas, pedindo unha lista unitaria para disuadir a Carolina Bescansa de participar na carreira pola secretaría xeral. Fundadora de Podemos e parte do clan da Complutense, a deputada por Madrid é crítica co aparato e escéptica da confluencia con En Marea.

Gómez-Reino, no centro, canda a Yolanda Díaz, de EU, e Íñigo Errejón, de Podemos
Gómez-Reino, no centro, canda a Yolanda Díaz, de EU, e Íñigo Errejón, de Podemos

Esta loita dinamita os esforzos dos círculos locais de Podemos en Galicia, que preconizan unha listaxe plural e representativa das catro provincias. O anceio de pacificación e horizontalidade está agora en risco polo desembarco de dous perfís de peso na política estatal e a falta de neutralidade do proceso. As agrupacións cidadás, nas que Lugo leva a iniciativa, terán que replantexar a súa aposta en función das propostas de Gómez-Reino e Bescansa, a escasos días do límite para a presentación de avais. As primarias de Podemos finalizarán antes de que comece a renovación de En Marea.

ÚLTIMAS

Rueda ratifica a creación do edificio con 50 aloxamentos compartidos para mozos na rúa Illa Coelleira da cidade de Lugo

Lugo cidade e a provincia centraron este luns a reunión semanal do Executivo autonómico,...

Luz verde ambiental a un parque eólico de Naturgy en Láncara, Baralla, Castroverde e Baleira

O Diario Oficial de Galicia (DOG) informa este luns da declaración de impacto ambiental que...

Dous detidos e varios feridos tras unha pelexa con arma branca nun local de lecer de Lugo

Unha liorta nun local de lecer do barrio histórico de Lugo saldouse con dúas...

Besteiro reclama “máis forza municipalista” no congreso de proclamación de Tomé como secretario do PSOE en Lugo

O presidente da Deputación de Lugo, José Tomé, foi proclamado este sábado secretario provincial do PSOE no...