A CIG denuncia un “trato discriminatorio” ao persoal de Enfermaría do Hospital Lucus Augusti (HULA) por parte da dirección da área Sanitaria de Lugo-A Mariña-Monforte porque “se denegan días de permisos”, o cal asegura que non ocorre noutros centros do distrito.

A través dun comunicado, o sindicato destaca o “sobreesforzo enorme” ofrecido por este corpo profesional durante a pandemia, pero lamenta que “a cambio non recibiu apenas descanso ou compensación ningunha despois de darlle cobertura a compañeiras e compañeiros que estaban de baixa e outras moitas eventualidades”.

Neste contexto, a CIG lamenta de “nefasta” a xestión do HULA, porque “é o único centro” da área no que “se denegan días de permiso” ao persoal enfermeiro “unha e outra vez, sen contemplacións”. Ao “ignorar que pode motivar” á dirección do hospital a ter este trato, o sindicato non descarta “buscar algunha vía de canalización deste decepcionante enfado”.