InicioMedioambiente e PatrimonioA piques de culminar a reforma interior da Catedral de Lugo

A piques de culminar a reforma interior da Catedral de Lugo

A Xunta axeita espazos do Museo Diocesano e Catedralicio no baixo cuberta do Triforio da Nave do Evanxeo e restaura as fiestras románicas

PUBLICADA O

- Advertisement -

As vindeiras datas verán o remate da obra que a Xunta de Galicia realiza na Catedral de Lugo. A intervención consiste no acondicionamento do baixo cuberta das Antigas Sacristías e Capela de San Froilán, cun orzamento de 124.000 euros. E supón o colofón do impulso e posta en marcha do Museo Diocesano e Catedralicio de Lugo (MDCL), o decano dos museos galegos, cun investimento acumulado de 374.000 euros nos últimos tres exercicios a cargo do goberno galego.

O contido das obras foi explicado polo conselleiro de Cultura, Román Rodríguez, e o bispo de Lugo, Alfonso Carrasco Rouco, durante a visita institucional á magna igrexa. O representante da Xunta salientou “o compromiso coa conservación e a divulgación” do amplo patrimonio relixioso da Diocese, que comprende 1139 parroquias, e lembrou a importancia destes recursos no atractivo cultural “para xerar riqueza e emprego”. Para Rodríguez, o Museo Diocesano e Catedralicio realiza “un papel vertebrador” na xestión do patrimonio lucense.

No centro, o bispo de Lugo, Alfonso Carrasco, e o conselleiro de Cultura, Román Rodríguez | Xunta de Galicia
No centro, o bispo de Lugo, Alfonso Carrasco, e o conselleiro de Cultura, Román Rodríguez | Xunta de Galicia

Co propósito de liberar espazo e crear estancias no interior da Catedral, substituíronse os tabiques de ladrillo por estruturas metálicas no baixo cuberta adosado o Triforio da Nave do Evanxeo. A acción foi acompañada da restauración das fiestras románicas, liberadas dos forxados de formigón e recompostas con elementos de cristal, máis acaídos. Por último, colocouse un falso termico para illar termicamente a cuberta, limpiáronse as fábricas de cantería, e cubriuse con morteiro e cal o acabado dos paramentos.

A visita derivou da Catedral cara a Muralla, onde o emisario autonómico anunciou un novo plan de actuacións. Logo de rematar a restauración dos cubos XIX e LXXX, cun orzamento de 375.000 euros, a Xunta acometerá outras catro accións –por un importe de 1,1 millóns euros– para a salvagarda dun ben icónico que o vindeiro 30 de novembro cumprirá 18 anos inscrito no Patrimonio Mundial da Unesco.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...