InicioPolíticaFeijóo: “As obras na Residencia acreditarán que as dúbidas foron malintencionadas”

Feijóo: “As obras na Residencia acreditarán que as dúbidas foron malintencionadas”

A Xunta apura o Concello de Lugo a conceder as licenzas de construcción e deriva a responsabilidade sobre as cuestións técnicas

PUBLICADA O

- Advertisement -

O presidente do goberno galego, Alberto Núñez Feijóo, ratificou este martes que respectará e completará o plan integral para a renovación da Residencia. “Non sei se hai xente á que non lle interesa que fagamos unha reestruturación completa e cumpramos todos os compromisos co barrio da Residencia de Lugo, pero dende logo, a Xunta de Galicia vaino facer”. Neste senso, avanzou que o executivo presentará nas vindeiras datas o proxecto de demolición do edificio onde irá o novo centro de saúde, e que antes de fin de ano solicitarán todas as licenzas construtivas.

Sobre a cuestión da cesión dos terreos a favor da Comunidade Autónoma para poder dotar doutros usos á área do vello Hospital Xeral, Feijóo derivou a responsabilidade nos letrados da Seguridade Social, para que definan “se isto é unha afectación, ou unha desafectación, ou unha mutación demanial”. Á marxe das cuestións técnicas, insistiu en que “a Xunta o que quere é ter a licenza para empezar a construír o centro integral de saúde, o primeiro que imos facer en Galicia”.

Canda este edificio sanitario, o único non afectado pola anulación dos trámites dentro dun acordo opaco e aínda sen explicar, a Xunta mantén que dotará ao complexo de todos os equipamentos comprometidos co Goberno central en 2017: a oficina de emprego e formación, a residencia da terceira idade, o centro de innovación e emprendemento aeronáutico, e a planta de biomasa que fará funcionar a todo o conxunto.

Así, Feijóo afirmou que a solicitude de licenzas comezou en xullo, e “nas vindeiras semanas” fará o propio coa do centro de emprego, para “antes de finalizar o ano” proxectar e obter a licenza da residencia. “Non podemos concretar maior compromiso -continuou-, o cen por cento dos compromisos co barrio se manteñen integramente”.

“O que necesitamos é licenzas para poder construír”, apurou o Concello de Lugo. “Dentro de mes e medio presentaremos o proxecto para a demolición do edificio vello onde se vai construír o centro de saúde”. Este proxecto é individual, precisou o máximo responsable autonómico, pola presenza de amianto; o departamento de seguridade laboral aconsellou plantexar un proxecto específico para, despois de derruído, acometer a obra. Os traballos de proxectaxe son simultáneos e xa se solicitou a licenza de construcción. Na Xunta esperan que o derrubamento se produza antes de que remate 2018.

“Se alguén quere poñer dúbidas sobre o compromiso da Xunta, as obras acreditarán que esas dúbidas eran malintencionadas”, censurou Feijóo. “O único que podemos facer, insisto, é construír previa licenza”.

En Marea preguntará no Parlamento pola situación da Residencia

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...