InicioLugo e contornaLugoA covid segue subindo en Lugo pero a un ritmo menor

A covid segue subindo en Lugo pero a un ritmo menor

A área lucense mantense por riba dos 6.000 casos activos tras sumar outros 129 contaxios.

PUBLICADA O

- Advertisement -

Os casos activos de Covid-19 seguen en aumento, aínda que a menor ritmo que días anteriores, e pasan a barreira dos 62.000, ao situarse en 62.693 (+1.058), mentres que os novos contaxios sitúanse por baixo dos 4.000 (3.557). Continúan incrementándose os hospitalizados, con 409 pacientes –que supoñen 15 máis que o día anterior–. Pola súa banda, a taxa de positividade baixa ata o 26,01%.

Segundo os datos actualizados na mañá deste sábado pola Consellería de Sanidade, con rexistros ata as 18,00 do venres, mantéñense en 51 as persoas ingresadas en UCI pola Covid-19 en toda Galicia, pero aumentan a 358 as hospitalizadas noutras unidades –15 máis–. Por áreas sanitarias, na de Lugo mantéñense cinco ingresados en críticos –sen cambios– pero soben a 27 os doutras unidades –dous máis–.

MÁIS DE 62.000 CASOS

Os casos activos de Covid-19 seguen en ascenso en Galicia ata os 62.693, cifra récord desde o inicio da pandemia, 1.058 máis que os rexistrados ata o día pasado, ao haber de novo máis contaxios (3.557), que altas (2.492), ao que se engaden oito falecementos. O maior aumento de casos activos corresponde á área de Ourense (+352), seguida da da Coruña (+207), Vigo (+186), Lugo (+129), Santiago (+117), Pontevedra (+36) e Ferrol (+31).

Así,con máis casos activos mantense a área sanitaria de Vigo, con 13.745; seguida da da Coruña e Cee, con 11.804; Santiago e Barbanza, con 11.472; Ourense, con 7.806; Pontevedra e O Salnés, con 7.530; mentres que a de Lugo se sitúa con 6.311; e á cola segue a de Ferrol, con 4.025. Segundo os últimos datos actualizados polo Ministerio de Sanidade este venres, a incidencia acumulada a 14 días de Galicia sobe a 2.597,08 3 casos por 100.000 habitantes, fronte aos 2.722,27 de media en España.

Nas últimas 24 horas leváronse a cabo en Galicia 8.429 PCR, o que eleva a 3.402.344 as realizadas ata o momento; e 7.746 test de antígenos, que suman 1.208.092 desde o inicio da pandemia, o que supoñen 16.175 probas feitas entre ambas. En canto á taxa de positividade en PCR –número de infeccións detectadas cada 100 test–, baixou ata o 26,01% desde o 29,06% do venres, tras situarse no 24,15% este xoves, no 23,3% o mércores, descender ao 21,88% o martes e iniciar esta semana cun 28,54%. Por tanto, mantense moi por enriba do limiar do 5% que fixa a Organización Mundial da Saúde (OMS) para dar por controlada a pandemia.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...