InicioCulturaTanxugueiras, Samantha Hudson e David Rees estarán no San Froilán 2021

Tanxugueiras, Samantha Hudson e David Rees estarán no San Froilán 2021

As festas deste ano tamén contarán con cinco actuacións de catro orquestras na praza de Augas Férreas.

PUBLICADA O

- Advertisement -

Xa se coñecen os últimos concertos que completan a programación cultural desta edición do San Froilán. A concelleira de Cultura, Maite Ferreiro, explicou que “son dúas propostas musicais de gran calidade, as Tanxugueiras veñen de ser escollidas como favoritas da audiencia de todo o Estado para o certame de Eurovisión; e David Rees conta con temas que acumulan máis de 200 reproduccións”. A actuación das primeiras terá lugar o 12 de outubro na praza de Santa María, e o concerto do cantante malaguero darase na praza Horta do Seminario o vindeiro día 9.

Ademais, o V concurso Miss Deusa, que terá lugar o día 7 na contorna do Auditorio Municipal Gustavo Freire, contará coa actuación de Samantha Hudson, unha recoñecida artista, cantante e actriz dentro do colectivo LGBT.  O seu proxecto musical xoga cos paradigmas do xénero, o sexo e a liberdade de expresión. Samantha Hudson considérase actualmente unha das iconas da Xeración Z, acumulando preto de 400.000 seguidores nas distintas redes sociais.

Orquestras

Maite Ferreiro presentou tamén ás catro orquestras que formarán parte deste San Froilán. A área de Cultura contará coa París de Noia o día 4 en Augas Férreas, a orquestra Marbella o venres 8, a Arizona o sábado 9 e a Costa Dorada o luns 11. Todas as actuacións serán na praza de Augas Férreas ás 20:30, e o luns 11 contarase cunha actuación a maiores ás 18:00.

As persoas interesadas en acudir ás distintas actuacións das orquestras que forman parte do programa do San Froilán deberán rexistrar os seus datos a través da seguinte plataforma, que xerará un código QR cos datos de cada persoa: https://www.orquestasdegalicia.es/generador-qr. A capacidade total das actuacións de orquestras será de 500 persoas de pé, seguindo as indicacións das autoridades sanitarias.

 

 

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...