InicioSociedadeLara Méndez celebra o "comportamento respectuoso" de Lugo trala fin do estado...

Lara Méndez celebra o “comportamento respectuoso” de Lugo trala fin do estado de alarma

A alcaldesa de Lugo pide "non estigmatizar" a mocidade polos posibles incumprimentos que se rexistren a partir de agora porque os malos comportamentos danse "en distintas idades" e situacións.

PUBLICADA O

- Advertisement -

A alcaldesa de Lugo, Lara Méndez, celebrou o “comportamento moi respectuoso” dos cidadáns no municipio tras o levantamento do estado de alarma, sobre todo “comparado con outras cidades”, e realizou un chamamento “ao civismo” e a “non estigmatizar aos mozos”. Méndez lembrou que “houbo un traballo previo” para a noite do levantamento desta medida co fin de “reforzar” a vixilancia “naqueles puntos de celebración de botellóns” na cidade e recoñeceu que “a xente saíu máis á rúa, pero foi respectuosa e cívica”.

Neste sentido, instou a “non estigmatizar” a mocidade polos posibles incumprimentos que se rexistren a partir de agora, sobre todo porque os malos comportamentos danse “en distintas idades” e situacións. “Aproveito tamén para facer un chamamento ao civismo, e ademais é preciso non estigmatizar a mocidade porque hai malos comportamentos en distintos momentos, en distintas idades e en distintas situacións”, resolveu.

INCENDIO NO CEAO

Doutra banda, sinalou que “segue en curso” a investigación sobre as causas do incendio no polígono industrial do Ceao, que fai preto dun mes levou por diante seis naves da zona. Méndez destacou que “se fixo un traballo moi importante para a súa extinción” e que o Goberno local “segue estando pendente” da investigación, pero que non teñen “ningunha competencia” respecto diso. “Eu teño preguntado ao sarxento de bombeiros, pero máis aló de que segue a investigación non temos máis información. A investigación está en curso”, ratificaba.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...