Dúas persoas que foran diagnosticadas con coronavirus faleceron nas últimas horas na área sanitaria de Lugo, segundo notificou este martes o Servizo Galego de Saúde (Sergas). Trátase dunha muller de 89 anos que estaba ingresada no Hospital Universitario Lucus Augusti (HULA) e outra de 91 anos, que estaba a ser atendida no Hospital Público da Mariña e que procedía da residencia San Cibrao de Cervo.

A provincia alcanza así a triste cifra de máis de 100 falecidos dende o inicio da pandemia. Concretamente, son 101.

Para o conxunto de Galicia, o Sergas informa de sete vítimas mortais, tres delas no Complexo Hospitalario Universitario de Vigo (Chuvi). Podes ler máis información no Xornal da Mariña.

Redacción

+ postsBio ⮌

• Redacción

  Fernández reclama a renovación da rede de abastecemento en Paradai
• Redacción

  Candia fai chegar á subdelegada do Goberno prioridades en seguridade, mobilidade e infraestruturas
• Redacción

  O Concello de Lugo pide axilidade á Deputación na renovación da avenida Adolfo Suárez
• Redacción

  González Abelleira cualifica o “plan de choque” de Candia para o SAF como “unha fraude política”