Kaiak, paddle surf, e inchables para aproveitar as últimas semanas de verán nos ríos de Lugo. A Deputación provincial vén de publicar unha listaxe de actividades gratuítas de lecer en espazos fluviais adaptadas á nova normalidade para promocionar o turismo interior e de natureza. Dende este venres, 21 de agosto, ata o 6 de setembro desenvolveranse sete xornadas con actividades acuáticas variadas en contornas fluviais dos concellos da Pontenova, Alfoz, Trabada, Guitiriz e Navia de Suarna.

Segundo apuntan dende o órgano provincial, cada xornada durará tres horas e poderán participar maiores de 6 anos de idade, que disporán dun coordinador e seis monitores encargados de dirixir e supervisar as actividades. A Deputación destaca tamén o cumprimento das medidas sanitarias no marco destas actividades, que segundo a Deputada de Promoción do Territorio e Turismo, Pilar García Porto, destacou que a situación sanitaria provocada pola COVID-19 “ podemos seguir desfrutando, pero doutra maneira”.

Este verán, engadiu “ofrecemos de novo esta alternativa de lecer para promocionar o turismo interior e de natureza, pero aplicando todas as medidas de seguridade establecidas e recomendadas polas autoridades sanitarias: dende a realización das actividades por grupos reducidos de 10 persoas, circuítos de entrada e saída, control da temperatura, hixiene de mans, uso de máscaras e mesmo un axente anti-covid para controlar as medidas preventivas e a desinfección do material. Todo para que se poidan desenvolver minimizando riscos, con todas as garantías posibles”.

A inscrición pode facerse unha hora antes do inicio de cada actividade ou chamando ao número de teléfono 636.504.155. As persoas interesadas en obter máis información poden dirixirse á web da Deputación.enres 21 de agosto, de 16 a 19 horas, onde tamén se poden consultar os horarios e o calendario das actividades.