InicioSociedadeA CIG denuncia o caos no Rexistro Xeral do Edificio Administrativo da...

A CIG denuncia o caos no Rexistro Xeral do Edificio Administrativo da Xunta de Galicia en Lugo

O Concello de Lugo presentou unha bolsa de emprego que remata o vindeiro 21 de agosto, polo tanto o rexistro vése colapsado.

PUBLICADA O

- Advertisement -

A CIG-Autonómica quere denunciar a situación de caos que se está producindo estes días no Rexistro Xeral do Edificio Administrativo da Xunta de Galicia en Lugo. Esta situación que se dá neste departamento do edificio administrativo vén dada por moitas razóns pero unha das fundamentais, din, é “a falta dun criterio minimamente unificado” na aplicación dos protocolos COVID-19 por parte das administracións.

O Concello de Lugo presentou solicitudes para inscribirse nunha bolsa de emprego para substitucións en diferentes categorías profesionais, o prazo acaba o vindeiro venres día 21. O importante número de solicitudes que hai día a día fai que os rexistros se vexan colapsados.

Ao rexistro do Concello de Lugo só se pode acceder con cita previa para poder cumprir cos protocolos esixidos polas autoridades sanitarias, segundo indica o Concello. Estes protocolos fan que cando a cidadanía solicita cita previa e, debido á inxente cantidade de solicitudes, esta cita se conceda en datas posteriores ao peche do prazo de presentación de solicitudes das bolsas de traballo ofertadas. É por isto polo que a cidadanía acude en masa ao Rexistro Xeral do Edificio Administrativo da Xunta de Galicia en Lugo e neste punto é onde se están a producir excesos de carga de traballo, colas sen fin e situacións de tensión entre cidadanía e persoal do rexistro.

Por esta razón e ante a situación vivida, a CIG-Autonómica quere “pedirlle ás administracións en xeral, que teñan un mínimo de sensibilidade coas persoas administradas que perden o seu tempo en ringleiras que son anacrónicas nunha administración do século XXI que presume de moderna e eficaz e, asemade á Xunta de Galicia que respecte o traballo do seu persoal e garanta un mínimo de organización sen caer sempre na improvisación coa tranquilidade de contar cun persoal tan competente e profesional que ten que sacarlle sempre as castañas do lume á habitual incompetente xestión política”.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...