O foco de coronavirus rexistrado na comarca da Mariña segue espallándose a grandes pasos e xa sitúa a zona sanitaria de Lugo como a máis afectada de toda Galicia. A provincia suma 196 dos 259 casos da comunidade logo de que o Sergas informara de 6 novos positivos na zona, unha proporción que se corresponde 3 de cada 4 contaxios rexistrados en toda Galicia. Deste xeito, Lugo supera con enorme amplitude á área sanitaria de Vigo, a máis afectada nas datas da chegada da ‘nova normalidade’.
Estas variacións numéricas poden ser comprobadas no gráfico seguinte, elaborado por Celso Álvarez Cáccamo. A representación interactiva válese dos datos ofrecidos polo Sergas para amosar a porcentaxe de casos activos por 100.000 habitantes en cada unha das áreas sanitarias dende o 24 de xuño ata este venres. A ratio da provincia lucense resulta particularmente destacable por multiplicarse por 10 en apenas dúas semanas.
O surto de covide na Marinha em movimento: evolução da incidência de casos ativos por 100.000 habitantes por área sanitária desde o 15 de junho (“nova normalidade”) até hoje 10 de julho. pic.twitter.com/hXXZTMcyE0
— Celso Alvarez Cáccamo (@CelsoACaccamo) July 10, 2020
Os datos publicados polo Sergas este venres 10 indican un crecemento total de 21 novos positivos nas últimas 24 horas no conxunto de Galicia. Tendo en conta a curación de 18 persoas no mesmo período, a conta total da comunidade queda en 259 casos, 3 por riba das cifras de onte.
