InicioSociedadeFalece unha muller con COVID-19 que tiña atención domiciliaria na área sanitaria...

Falece unha muller con COVID-19 que tiña atención domiciliaria na área sanitaria de Lugo

Coa morte desta dona de 75 anos, a primeira da provincia que falece con COVID-19 na súa casa, xa se suman 26 vítimas mortais da pandemia en Lugo.

PUBLICADA O

- Advertisement -

Unha muller de 75 anos diagnosticada de coronavirus faleceu nas últimas horas na área sanitaria de Lugo. A dona permanecía baixo atención hospitalaria a domicilio e presentaba patoloxías previas, segundo fontes da Consellería de Sanidade.

Trátase da primeira persoa na provincia de Lugo que morreu con coronavirus na súa casa, en base aos datos que facilita o Sergas. O resto de falecementos foron rexistrados nos tres hospitais públicos da área sanitaria e nunha residencia de maiores de Foz.

Con este falecemento, a provincia de Lugo xa alcanza as 26 vítimas mortais pola pandemia da COVID-19. Onte, un octoxenario que estaba no HULA e un nonaxenario que ingresou en Monforte foron as dúas últimas persoas finadas.

472 MORTES EN GALICIA

En canto ao conxunto galego, o coronavirus xa levou a vida de 472 persoas na comunidade. Un dos últimos decesos foi o dun home de 35 anos ingresado no Complexo Hospitalario de Santiago.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...