InicioEconomíaKazakhstán aprende do sector do leite de Lugo

Kazakhstán aprende do sector do leite de Lugo

A delegación asiática solicitou ver as instalacións da USC vencelladas ao eido leiteiro para intercambiar información e iniciar procesos de internacionalización das empresas lácteas

PUBLICADA O

- Advertisement -

GC EMPRENDE | A Aula de Produtos Lácteos e Tecnoloxías Alimentarias (Aplta) da USC e a spin-off TasteLab, nada tamén na sede universitaria luguesa, recibiron este martes a visita dunha delegación empresarial ligada ao sector da leite de Kazakhstán, no marco dun proxecto internacional orientado a implantar a política de clúster na república asiática e que conta con financiamento do Banco Mundial.

En representación da Universidade de Santiago compareceron a vicerreitora de Coordinación do campus de Lugo, Montserrat Valcárcel, e a súa adxunta para Investigación, Transferencia e Innovación, Elvira López Mosquera; mentres que a comitiva asiática contou co representante do Instituto de Desenvolvemento da Industria de Kazakhstán e de tres integrantes do Clúster do Leite de Akmola Oblast, tamén pertencente a este país.

A misión empresarial asiática, integrada pola executiva do Instituto de Desenvolvemento da Industria de Kazakhstán, Gulnara Saukenova, e por tres representantes do Clúster do Leite de Akmola Oblast, a directora da empresa Capital Natur Product, Mariya Novikova; o director financeiro da empresa Gormolzavod, Aslan Kurmangaliyev, e o director da firma Esil Butter Factory, Valrey Khainakov, solicitou visitar estas instalacións e servizos da USC relacionadas co sector leiteiro, a fin de poder intercambiar e compartir información e tamén para coñecer algún dos proxectos de I+D+i nos que participa a USC.

A presentación da actividade que se está a realizar no Clúster do Leite Akmola Oblast de Kazakhstán e a exploración de posibles vías de colaboración coa institución universitaria tamén figuran entre os obxectivos desta visita. A presenza desta representación do Clúster do Leite kazahho no campus lugués encádrase no marco dunha expedición internacional apoiada polo Ministerio de Economía Nacional da República de Kazakhstán para favorecer o coñecemento da forma de traballar e das experiencias de empresas e clúster europeos do sector lácteo.

O coñecemento dos procesos de internacionalización das empresas europeas, así como doutros aspectos relacionados con insumos de produción e eficiencia, ademais da avaliar a posibilidade de establecer futuras liñas de cooperación son outros dos cometidos. A delegación asiática aproveitará a súa estadía dunha semana en Galicia para visitar ademais diversas empresas do sector leiteiro e para manter encontros con responsables políticos e representantes de numerosas entidades.

 

PARA AMPLIAR

Como vai ser o sector agrogandeiro a partir do 2020?

ÚLTIMAS

Ulloa Viva anima á cidadanía a presentar alegacións contra o proxecto de Altri e pide á Xunta ampliar o prazo

A Plataforma Ulloa Viva anima á cidadanía a presentar alegacións contra o proxecto de...

Piden 15 anos por maltratar e agredir sexualmente de forma continuada á súa parella diante do seu fillo menor en Lugo

A Audiencia Provincial de Lugo xulga este xoves, 18 de abril, a un home para o que...

O Concello de Lugo recibe a insignia de honra da Confraría do Bo Xesús no seu 75 aniversario

O edil de Dinamización Económica, Mauricio Repetto, recibiu este sábado en nome do Concello de...

A planta que Altri proxecta en Palas de Rei será a primeira que integre os 2 procesos necesarios para producir Lyocell

A planta que Greenfiber, formada pola enerxética Greenalia e a multinacional lusa Altri, proxecta en Palas de Rei,...