InicioSociedadeSanidade ordena retirar os produtos da empresa lucense Lácteos Casa Macán por...

Sanidade ordena retirar os produtos da empresa lucense Lácteos Casa Macán por falta de seguridade

Un control oficial de Sanidade detectou "incumprimentos graves" que "non permiten garantir a seguridade" dos produtos

PUBLICADA O

- Advertisement -

As autoridades sanitarias ordenaron retirar do mercado os produtos da empresa lucense Lácteos Casa Macán, cuxa actividade foi suspendida tras detectarse nas súas instalacións unha serie de incumprimentos “graves” que “non permiten garantir a seguridade dos produtos alí elaborados”.

Así o informou este mércores a Consellería de Sanidade, que trasladou a situación á Axencia Española de Seguridade Alimentaria e Nutrición (AESAN) logo de detectala nun control oficial realizado nas instalacións da empresa.

Os servizos veterinarios de Saúde Pública da zona de Lugo dependentes de Sanidade suspenderon de forma cautelar todas as actividades da industria. Ademais, os produtos foron intervidos e ordenouse a retirada das canles de distribución de todos os produtos comercializados por Lácteos Casa Macán, con sede en Taboada.

A prohibición afecta a todos os lotes de produtos desta compañía, como a manteiga cocida de vaca, os queixos Arzúa Ulloa, Tetilla, Arzúa Ulloa curado, queixo de barra Costeño e queixo galego en rebanadas.

A Consellería de Sanidade recomenda aos cidadáns que teñan estes produtos que non os consuman e que os devolvan aos puntos de compra. Estes lácteos foron distribuídos en Galicia, Cataluña e Castela A Mancha.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...